زبانحال حضرت سکینه (س) در وداع با امام حسین (ع)
.
✍️زبدة الاشعار✍️
?: @nohe_torki
.
مرحومه ام لیلی ( کنیز فاطمه)
.
رحم قیل گوزیاشیما گیتمه بو میدانه بابا
گورورم جمله گیدنلر باتوب القانه بابا
.
سولدوروب اهل جفا گرچه ستمله گولومی
اُولدوروب قارداشیمی خم ایلیوبدور بئلیمی
مشکله دوشسه ایشیم کیم بس آچار مشکلیمی
رحم قیل گوز یاشیما گیتمه بو میدانه بابا
.
العطش ناله سسی گر گتوروب جانه منی
قویمارام گیتمگه بالله بابا میدانه سنی
یوخدی دشمنده مُروّت باتورار قانه سنی
هانسی ملّت اوز امامین باتوروب قانه بابا
.
بابام حیدردی منیم جدّکباریمدی رسول
هم آنام فاطمه دور زهرۀ زهرای بتول
بُل که حیدر بابامون غیرتی ایتمزدی قبول
من گیدوب عجز ایلییم فرقۀ شیطانه بابا
.
ئولدورر بیل که منی طعنۀ اغیار غمی
هم بوکر قدیمی بیل سنکیمی سردار غمی
هر مصیبتدن علاوه منه بیمار غمی
شمر زنجیره چکر گزدیری هر یانه بابا
.
باشیمه قمچی وورا شمر لعین تاب ایدرم
غمزده ذلتیله شام دمشقه گیدرم
هر جفا ایلیه لر ای بابا جان صبر ائدرم
اکبرین هجری چتیندور من نالانه بابا
.
یخدیلار یر یوزونه یتمیش ایکی سروریمی
ائتدیلر تیره نشان حلق علی اصغریمی
باغلایار شمر عداوتله منیم اللریمی
آغلاماقدان دونه جک گوزیاشیم عمّانه بابا
.
نجه من صبر ایدرم معجریمی دشمن آلا
قورخورام گول بدنون ایسّی قوم اوستونده قالا
«کنیز فاطمه» بو غملیلریمز یاده سالا
حشرده لطف ایله سن بیله نوا خانه بابا
.
#سبک_یارالی_جان_یارالی (4 سبک)
.
#وداع
#رحم_قیل_گوز_یاشیما_گیتمه_بو_میدانه_بابا
#ام_لیلی
#ترکی
.
✍️ #زبدةالاشعار ✍️
?: @nohe_torki
نظر دهید