شهادت امام رضا (ع)
.
✍️ #زبدةالاشعار ✍️
.
🆔: @nohe_torki
.
مرحوم دلریش
.
گلون شیعه لر جمله شور و نوایه
ائداخ ناله بوگون امام رضایه
دیون شوریله وا غریب الغربا
.
.
.
ندور بولمرم بوندا یارب حکمت
چکوب انبیا اولیا جمله غربت
بلی ارث اولوب بیربیرینه شهادت
وئروبلر همیشه رضا چون قضایه
.
.
امان اول زماندان که مأمون غدار
ائدوب بزمینه اول شهنشاهی احضار
گوروب اول غریبی چو بی یار و غمخوار
وئروب زهر کین اول ولی خدایه
.
.
نئجه شرح ائدوم بو جفانی الهی
شهید ائتدی زهریله مأمون او شاهی
حسین تک اونون یانمادی خیمه گاهی
عیالی اسیر اولمادی اشقیایه
.
.
وئروب غربت ائلده اگر جان بو مولا
ووروب شیعه لر باشه با شور و غوغا
باشینی جدایه اونون وورموب اعدا
گینه گئتدی گوگلوم منیم کربلایه
.
.
دئمون اهل کین دویدی جور و جفادن
حیا ائتمدیله او خیرالنّسادن
حسینون باشینی کسوبلر قفادن
گلون آغلیاخ اول ذبیحاً قفایه
.
.
چکوم یاحسین هانسی دردون بیانه
اولوب کیم سنون تک بلایه نشانه
بئله ظلم گورموبدی دو چشم زمانه
بدن یرده عریان گئچه باش جدایه
.
.
دوشه بیر باشین شیعه لر عرشه نوری
منور ائده نوری هم کوه طوری
روادور او باشه بو خولی تنوری
باخون کوفه اهلینده شرم و حیایه
.
.
بو نه صبر دور سنده ای شاه بی سر
عیالون اسیر ایلدی قوم کافر
نه ائتدون شکایت نه اولدون مکدر
دئدون حق یولوندا بلی هر بلایه
.
.
اولوب کاسۀ دل غمیله لبالب
دلیم دوتماز ایلوم سنه کشف مطلب
نئجه دوزدی بو ظلمه یاربّ زینب
گئدوب باش آچوق بزم تخم زنایه
.
.
حسینین عیالی قولی باغلی یاران
برابر ده دوردی هامی دیده گریان
لب لعلینی ایلوب اول نامسلمان
نشانه عنادیله چوب جفایه
.
.
ائدون بو مصیبتده شوریله افغان
وئرور اجریوی پادشاه خراسان
بو جمعیله «دلریشی» یاربّ رحمان
بو ایل زایر ایله شه کربلایه
.
.
.
.
#رضویه_دلریش
#رضویه_شهادت
#گلون_شیعه_لر_جمله_شور_و_نوایه
#ترکی
.
✍️ #زبدةالاشعار ✍️
.
🆔: @nohe_torki
نظر دهید