زبدةالاشعار

زلف سیهون یوزده پریشاندور عم اوغلی #راه_شام_صراف_تبریزی

زبانحال فاطمه عروس در راه شام خطاب به سر مبارک جناب قاسم(ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا
.
مرحوم حاج رضا صراف تبریزی
.
.
زلف سیهون یوزده پریشاندور عم اوغلی
شانه کیمی کونلوم اودی، شان شاندور عم اوغلی
.
.
قربانگه عشقه سن اولان وقتدن عازم
همدم غم اولوبدور منه، اندوه ملازم
من بستۀ عشقم، منه زنجیر نه لازم
زنجیریم او گیسوی پریشاندور عم اوغلی
.
.
گوردوم باشیوی نیزده تؤكدوم یوزه قانیاش
گلدوم باشون آردونجا بو شامه کیمی، بیر باش
قان آغلامیوم، نئیلیوم ایندی من کول باش
درد و غم الینده جگریم قاندور عم اوغلی
.
.
شام اهلینه باخ گور نه تماشایه دوروبلار
هر گوشه ده بیر دایرۀ عیش قوروبلار
عریان باشیوی نیزه یه ظلمیله ووروبلار
یا کیم، شجر موسی عمراندور، عم اوغلی
.
.
گئیمیش هامی بو عورت، اوشاق خلعت فاخر
باخدوقجا عم اوغلی، منه ایللَّه تفاخر
هر چند اسیرم، گینه شهزاده یم آخر
شهزاده یه آیا بو غم آساندور عم اوغلی؟
.
.
بیر بیره دیللّر بو گلن تازه گلین دور
صد حیف که مغلوب غل شمر لعین دور
هر درددن آرتوق منه بو درد چتین دور
طوی حجله گهیم، ناقۀ عریاندور عم اوغلی
.
.
بو بخت قرا یاخشی یامان گونلره قالمیش
معجر یئرینه زلف سیاهین یوزه سالمیش
از بسکه منیم آتش آهیمدن اود المیش
بازار و دکان بئیله چراغاندور عم اوغلی
.
.
بولدون منی بو دهرده غم چکمگه لایق
منده ائلدیم سندن اؤتور قطع علایق
چون رسمدور عالمده اولور محنته شایق
و هر کیم کی اسیر غم هیجراندور عم اوغلی
.
.
ای حضرت یوسفدن اولان حسنده افزون
بو خلق زلیخا کیمی اولموش سنه مفتون
باش وئرسه اگر باشون آلان کس دگی مغبون
جان نقدی بو بازارده ارزاندور عم اوغلی
.
.
بو مملکتون چوخدو عجب ملک بلادی
چین سر زولفون کیمی اعظم دی سوادی
ظلمتکدۀ غمدی نئچون شامدور آدی
درد اهلینه یاشام غریباندور عم اوغلی
.
.
آخشامه کیمی یازسان اگر قصۀ شامی
اتمامه یئتیشمز بو سؤزون یوخدی تمامی
سؤز اؤزگه سینیندور، دگی صراف کلامی
زلف سیهین یوزده پریشاندور عم اوغلی
.
.

متن پیشنهادی:  ذکر_مصیبت_معصوم_نهم 05 #کاظمیه_متن_روضه

#راه_شام_صراف_تبریزی
#زلف_سیهون_یوزده_پریشاندور_عم_اوغلی
#ترکی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی