خطبه حضرت زینب سلام الله علیها
.
✍️ #زبدةالاشعار ✍️
.
🆔: @nohe_torki
.
جعفر فتح اللهی
.
زینبم عصمت ائوینین مشعلی
دُرّ حیا ، زینت نام علی
مست می ناب الستم بلی
نور علی منله اولار منجلی
نام حسیندور منه ذکر جلی
.
خطبه لریم خلق ائلیر شور و شین
هر یئره گئتسم دیرم یا حسین
.
.
.
من شجر پُر ثمر جنتم
عطر گل سرسبد خلقتم
گوهر ناب صدف عصمتم
حافظ دین و شرف و عفتم
باشدان ایاقه شرفم، غیرتم
.
حق سؤزی آغزیندا عسل زینبم
غیرتی عباسه مثل زینبم
.
.
.
روح شهامت منه طاها وئروب
درس شجاعت منه مولا وئروب
شیر شرافت منه زهرا وئروب
نطق و فصاحت منه تقوا وئروب
هرنه وئروب حیِّ توانا وئروب
.
دیلدن آدین سیلمَه میشم سیلمَرَم
قورخی ندور بیلمَه میشم بیلمَرَم
.
.
.
ذات خدا جلوه وئروب ذاتیمه
ذاتیمه برهاندی آنام فاطمه
شبهه قاریشماز ادبیاتیمه
عرش و فلک مات ، شئوناتیمه
حور و ملک تشنه ملاقاتیمه
.
حور و ملکدن سووشوب سوزلریم
واردی حسینیمده فقط گوزلریم
.
.
.
آند اولا معبود هواداریمه
آند اولا پیغمبر مختاریمه
شیر خدا حیدر کراریمه
آند اولا زهرای دل افکاریمه
آند اولا غیرتلی علمداریمه
.
قلهٔ ایثاره چیخان زینبم
من بُتِ جانداری یخان زینبم
.
.
.
آند اولا اسماء مقدس لره
کسوت خونینه مُلَبَّس لره
یئرده کفنسیز تن اقدس لره
شام غریباندا باتان سس لره
سنماز علبنین قیزی ناکس لره
.
ئولمه میشم تا دییم حقین سؤزین
کور ائلیم ابن زیادین گؤزین
.
.
.
آند اولا عطشان کسیلن حنجره
آند اولا اوخلار داغیدان پیکره
آند اولا غارتده یانان معجره
نعشی عبایه بوکولن اکبره
آند اولا حلقی بیچیلن اصغره
.
زینب اسیر اولسادا پرواسی یوخ
قورخنون اصلا بیزه معناسی یوخ
.
.
.
قدرت یزدانیمه اولسون قسم
دولت قرآنیمه اولسون قسم
خون شهیدانیمه اولسون قسم
عفت و ایمانیمه اولسون قسم
غیرت و وجدانیمه اولسون قسم
.
عشقیله دوز یولدا قدم ورمشام
مملکت عشقه علم ورمشام
.
.
#زینبیه_مدح
#کوفه
#مجلس_ابن_زیاد #فتح_اللهی
#زینبم_عصمت_ائوینین_مشعلی
#شاکر
#ترکی
.
✍️ #زبدةالاشعار ✍️
.
🆔: @nohe_torki
نظر دهید