شاماته گئدوب باشون دالنجا گوز یاشلی باشی قرالی قارداش #اربعین_سعدی_زمان

اربعین
.
✍️ زبدة الاشعار ✍️
.
🆔: @nohe_torki
.
مرحوم حسینی سعدی زمان
.
شاماته گئدوب باشون دالنجا
گوز یاشلی باشی قرالی قارداش
گلدیم گینه توزلی قبرون اوسته
ای تشنه جگر یارالی قارداش
.
.
قارداش سنه کیم بو قبری قازدی
کیم آدووی باش داشیندا یازدی
قان آغلاسام ایللریله آزدی
ائتدوقجا کفن خیالی قارداش
.
.
چوخ باشلاری چرخ ائدوب بدنسیز
چوخ شاهی فلک قویوب وطن سیز
اما گورولوبدی کیم کفن سیز
مدفون اولا ای بلالی قارداش
.
.
ائتمزله کفن شهید ئولنده
بو شرطیله رخت اولا بدنده
اما یوخودی لباس سنده
ای غارت اولان جلالی قارداش
.
.
سندن صورا بی حیا جماعت
خرگاه جلالون ائتدی غارت
قول باغلو مخدرات عصمت
شامه اولوب ارتحالی قارداش
.
.
سن کوفه ده باشلیاندا قرآن
من نطقیمه سندن آلدیم عنوان
بیر نطق ایلدیم که قوم عدوان
توکدی یوزه اشگ آلی قارداش
.
.
گلمز غم و محنتیم شماره
شام ائتدی منیم گونومی قاره
دلده آپارام گرک مزاره
بو محنت و بو ملالی قارداش
.
.
ای داد جفای اشقیادن
فریاد یزید بی حیادن
لعل لبیوه ووران یارادن
قطع اولدی باشون مقالی قارداش
.
.
شرح ائتماقا یوخ دلیمده یارا
اگلشمیشیدی یهود و ترسا
اُول بزمده دست بسته اما
قالمیشدی علی عیالی قارداش
.
.
ویرانۀ شام غم فزاده
آج قالدی بنات شاهزاده
سالدوقجا او ماجرانی یاده
آرتار دلیم ابتهالی قارداش
.
.
جان وئردی رقیه جانه دویدوم
اوز قلبیمی تیر غمله اویدوم
آنّیندان ئوپوب مزاره قویدوم
اُول دختر مه جمالی قارداش
.
.
آتمیش ایل اولار بالان #حسینی
وار بزم عزاده شور و شینی
ای فاطمه نین ضیاء عینی
وار لطفووه احتمالی قارداش
.
.
#سبک_قارداش_یارالی_باشیم_قالوبدور
.
.
#اربعین
#سعدی_زمان
#شاماته_گئدوب_باشون_دالنجا_گوزیاشلی_باشی_قرالی_قارداش
#آثارالحسینی2 ص 257
#ترکی
.
✍️ #زبدةالاشعار ✍️
.
🆔: @nohe_torki