#فرشتگان_در_قتلگاه
#جبرائیل_در_قتلگاه
.
✍️ زبدة الاشعار ✍️
?: @nohe_torki
.
شاعر ؟؟؟؟
.
جبرییل امین گلدی اوگون کرب وبلایه
گوردی ییخلوبدور یارالی قانلی منایه
.
شهپرلرینی روح الامین آچدی هوایه
سالدی یارالی پیکرینون اوستونه سایه
.
شاه شهدا گوردی گونون نوری آلندی
حس ایلدیکه اوستونه بیرسایه سالندی
.
قانیله دولان گوزلرین آچدی دیدی کیمسن
عرض ایلدی قربانون اولوم نوکریوم من
.
دنیاده حسینیم نجه غملر یمیشم من
گهواره ده بیر ایل سنه لای لای دئمیشم من
.
امر ایلدی چک شهپروی فوری کناره
ایلور یارالی عاشقه معشوق نظاره
.
سن دورما چکیل عاشق و معشوق آراسیندا
عاشق اودی که لخته لنه قان آراسیندا
.
عاشق اودو که آتش معشوقینه یانسون
عاشق اودی که عشقیده مردانه دایانسون
.
عاشق اودی که باشدان ایاقه یارالانسون
بیر سینه ده دورت مین یارا القانه یانسون
.
به به نه گوزل بزمیدور خلوتگهی دلدار
هیچ بیلمیورم یاره ندور چونکه باخور یار
.
به به نه گوزل سس ویروری اوخلار هواده
هیچ نغمه داوود اولانماز بو صداده
.
بیر ذره اذیت ایلمور یاره لی سینم
هیچ بیلمیورم هاردا قالوب نازلی سکینم
.
چک شهپروی سینه ده قان چشمه سی آخسون
یاریم یارالی عاشقون احوالینه باخسون
.
معشوق رضاسینه یخیلدوم بو منایه
چک شهپریوی سالما منیم اوستومه سایه
.
فکر ایلمه بیر شخصیدور قانه بویانوبدور
سایمده منیم عرش خدا دالدالانوبدور
.
#قتلگاه
#حسینیه_شهادت
#جبرییل_امین_گلدی_او_گون_کرب_و_بلایه
#ترکی #منعم_اردبیلی
.
✍️ #زبدةالاشعار ✍️
?: @nohe_torki
بعضی کلمات و اشتباه چاپ کرد مثل بیت سوم آخر مصرع اولش. در کل خوبه. ممنون ازتون
سلام و درود سرور گرامی
ممنون از حضور تان و تشکر از توجه تان
لطفاً اگر در سایر متن ها چنین مواردی را مشاهده فرمودید اطلاع دهید
با تشکر
اثر فاخر استاد منعم اردبیلی میباشد
سلام و سپاس
ممنون از حضورتان
سلام
فایل صوتی این نوحه راازکجامیتونم تهیه کنم.
لطفاراهنمایی بفرمایید.