شهادت حضرت امام جعفر صادق علیه السلام
#گریز به #کوچ_کربلا
.
.
.
مژده اردبیلی
.
صادق آل عبا دار فنادن گتدی
شیعه لر رهبری عقبایه جفادن گتدی
.
جام نوشین بلیٰ ایچدی امام اوغلی امام
دوشدی گل پیکری یثربده قوادن گتدی
.
بی وفا امت پیغمبری چیخموشدی نچون
ترک دنیا ایلیوب شور و نوادن گتدی
.
قوجا بیر سیدیدی پاک روان مطلع نور
مرتضی اوغلی فرایند خطادن گتدی
.
ویردی منصور جفا پیشه اونا زهر جفا
عرش اعلایه نوا بانگ عزادن گتدی
.
فاطمه آغلادی جنتده قرا سالدی باشا
مجلس یاسه حسین خاک شفادن گتدی
.
او عزا خانیه که قاره چکیلموشدی تمام
نوحه خوان زینب اولوب شام بلادن گتدی
.
اهل جنتده یقین رخت عزا گیمیشدی
ناله افلاکه او جنات خدادن گتدی
.
باشلادی زینب مظلومه حزین اوخشاملار
ناله و شور ثریایه ثرادن گتدی
.
حقی وار زینب او مأواده اورک قان ایلسون
چون به تدبیر قضا کوی وفادن گتدی
.
ای قلم چکمه سوزی دشت بلا مقتلینه
گر چه گوزلر او بیاباندا ضیادن گتدی
.
کوفیان بیلمه دیلر کثرت درد و غمدن
شاه دینون باجی سی کرب و بلادن گتدی
.
صبره باخ زینبه باخ کعبه ی عشقون حاجی سی
شام ویرانه گیدور شاه شهیدون باجی سی
.
زینب غمزده نین سینه ی سوزان واریدی
رنج و اندوهی فزون دیده ی گریان واریدی
.
قیرخادین عورت اوشاق زینبین اطرافین آلوب
چون بیلوللر خانیمون حال پریشان واریدی
.
آغاریب زلف پریشانی اولوب قامتی خم
گوزلرینده نجه گور بارش نیسان واریدی
.
قول قولا باغلانوب افواج اسیران بلا
نیلسون زینب اسیر غم و حرمان واریدی
.
قارداشی اوغلونون احوالینی غم پوزموشدی
قلب زینبده هله آتش هجران واریدی
.
دشمن عریان دوه اوستونده مکان وئرمیشدی
آل طاهایه که دلدادهٔ جانان واریدی
.
تازیانیله ویریردی اوجادان آغلییانی
اینجیدیردی نقدر الده که امکان واریدی
.
شمر ملعون که عدو قافله سالاریدی
ظاهراً شمر بد اخترده مسلمان واریدی
.
قاتل شاه لب عطشانیدی بیر مفسده جو
او شرور اوغلی قساو تده کماکان واریدی
.
ظلمیدن هاردا او آلوده بشر دویموشدی
بلی دولسیدی یقین مدرک و برهان واریدی
.
غیضیلن خیردا اوشاقلاری ویریردی او دنی
چونکه ابلیس صفت فاقد ایمان واریدی
.
قورخودوردی سوری جیرانلاری بیر حالتیلن
گوئیا الده بو رفتارینه فرمان واریدی
.
نجه فرمان وئریلوب یولدا قیامت سالسین
آل پیغمبری ویرماقدا شرارت سالسین
.
ظلمه باخ شمر دنی کوفیه مهمان آپار,V
آل طاهانی پریشان و نواخوان آپار,ر
.
ظلمیدن دویمیوب افسوس اولا بدکیش و مرام
زاده ی ام ابیهانی پریشان آپارور
.
اوکه دلداده ی سیم و زریدی دنیاده
یدی قارداش باجی سین ،خادم شیطان آپارور
.
همره شمر دنی حرمله و زجر و سنان
کاروان مُحَنی بی سرو سامان آپارور
.
دوزولوب بیرصفه سرنیزده رأس شهدا
ملکوت اهلی باخور دشمنی وجدان آپارور
.
شهریار شرف و عزتون اجلالینه باخ
رأس مذبوح حسین ابن علی جان آپارور
.
دینی دنیایه ساتوب کیمسه شروراوغلی شرور
طاقتی سلب اولونان قیزلاری نالان آپارور
.
ری هواسیله گلن کیمدی عمر سعد لعین
شمریدن زادهٔ خطاب اوزی فرمان آپارور
.
حرمله رسم و رسوماتی ایاق آلتدا قویور
الده گویا نچه بیر زهریلی پیکان آپارور
.
گوز داغی غملی ربابه او جفاکانی ویرور
فکر منحوسینه باخ آتش نیران آپارور
.
او که اولموشدی اول زینت آغوش رباب
ایندی دشمن اونی غمدیده و گریان آپارور
.
آتاسیز بیر قیزی ویرمازلا دیدی زجره دیون
سینه سینده گوروسوز آتش هجران آپارور
.
ویرمیون حضرت صدیقۀ زهرا نوه سین
ویرمیون قلبی سینیق دختر طاها نوه سین
.
الی قوینوندا قیزیم یوسف لیلانی گزور
کربلا فاطمه سی اشبه طاهانی گزور
.
ایکی قارداشی ئولوب بیر آتاسی دورد عمو سی
ویرمیون بوقیزی سرنیزه ده سقانی گزور
.
گه باخور عمه سینه گاه من زاره باخور
باخشیندان بیلورم آیت کبرانی گزور
.
ایاقی داش قوما دائم توخانور قانی آخور
عشقه باخ عاشقه باخ دامن صحرانی گزور
.
بوسوزی هی سوروشور عمه ی نالانیدن
گرچه گوزلر د لوسی گوزلری شهلانی گزور
.
کاروان غم هاچان شام بلایه چاتاجاق
عمه جان گوزلریم هرحالدا اومأوانی گزور
.
چوخ قالورشام بلایه منی یاندیرما قیزیم
باباوون باشی هله دیر نصارانی گزور
.
بو نه صحبتدی سوروشدون نگران زینبدن
رهبر قافله میز معبد ترسانی گزور
.
آز قالور شامه گوزل قارداشیمون دلبندی
غمزده زینب ئوزی حل معمانی گزور
.
وار خیالونده بابام گئتدی او عالی سفره
دئدی بیر سوز قیزی الآن او قضایانی گزور
.
رهبر مفترض الطاعه بابام جانی بی بی
گوزلریم کرب و بلادن او مصلانی گزور
.
بویوروب بو سوزی دیداریمه شامه گله جاق
اودور علت که گوزوم شافع عقبانی گزور
.
(مژدهٔ) وصلت او مأواده رقیه آلاجاق
خادم درگهی کیمدور اونی یاده سالاجاق
.
#صادقیه_شهادت
#صادق_آل_عبا_دار_فنادن_گتدی
#مژده_اردبیلی
#ترکی
#زبدةالاشعار
نظر دهید