طفلان زینب (ع)
.
✍️ زبدة الاشعار ✍️
?: @nohe_torki
.
مرحوم کهنموئی
.
زینبین روح و روانی، ای عزیز جانی قارداش
آل قبول ائیله باجوندان، بو ایکی قربانی قارداش
.
.
قالمیسان یالقوز بو چولده، ای پناه سیزلار پناهی
یوخدور امید نجاتون، عالمین امید گاهی
ئولدوروب هانسی رعیت، بیر گناه سیز پادشاهی
بو ایشین دنیاده هرگز، اولمییب امکانی قارداش
.
.
هر آنا ائتدی اوز اوغلون، دینینه قربان بو چولده
اولدی عورت لرده ظاهر، پایه‌ی ایمان بو چولده
قطعه قطعه دوغرانیبدور، وئردی اکبر جان بو چولده
ائیلدی مجنون آناسی، بینوا لیلانی قارداش
.
.
تحفه هر چند اولسا جزئی، کم بها اولسا عیاری
اولماسا لایق حضور آستان شهریاری
کسب ائد‌ر شأن و شرافت، آرتار عز و اعتباری
شه رعیت دن آلاندا، تحفه‌ی ارزانی قارداش
.
.
سعی ائد‌ر دنیاده انسان، مقصد و مقصوده چاتسین
وای او بدبخته کی ایستیر، دینینی دنیایه ساتسین
ایستر اوغلانلار آناسی، باشین عالمده اوجاتسین
نیلیرم سند‌ن سورا من، عز‌ت دنیانی قارداش
.
.
صفحه‌ی رخساره یازدی، گوزیاشی سر نهانی
سن کیمی قربان دینه، زینبین قرباندی جانی
بو ایکی طفل صغیره، گلدی آخرده گمانی
عفو ائله یوخدور، بیر آیری تحفه‌ی شایانی قارداش
.
.
غنچه‌د‌ن تازه گول آچدی، بیر خزان اولموش چمنده
بو ایکی طفل ائتدی ناله، سن کمک لیک ایستینده
اوزلری راضیدی بی‌شک، راضیم بو امره منده
وار بو اصرارین علاوه، اوزگه بیر عنوانی قارداش
.
.
شهر یثربدن کناره، قافله چیخمیشدی تازه
گلدی عبدالله بویوردی، زینبا وئردیم اجازه
بو ایکی اوغلانلاریمی، ویر فدا میر حجازه
اوندا کی گوردون کمکسیز، تشنه لب سلطانی قارداش
.
.
منده بیر قربان دینم، کربلا کوه منادی
نیله‌ییم دین وئرمیبدیر، عور‌ته اذن جهادی
چاره‌سیزلیکدن دوتوب اود زینبین یاندی نهادی
شاهد عادلدی بوردا، دیده‌ی گریانی قارداش
.
.
کربلانین مکتبینده درس عشقی سند‌ن آللام
فصل صبری پس ویر‌نده، حیر‌ته دنیانی ساللام
صبره حیرانم اوزومده،ئولمرم دنیاده قاللام
حنجرونده من گورنده، خنجر برانی قارداش
.
.
بو حیات عاریتده، ائیلرم چوخ استفاده
شورش و غوغانی ساللام، مجلس ابن‌زیاده
کوه و صحرانی دولانام، دست بسته، پا پیاده
ائیلرم رسوا جهاندا، آل بوسفیانی قارداش
.
.
کهنموئی آختاریرسان، گر بو دنیاده سعادت
کسب تقوا ایله سنده، اولدی تقوا اهلی راحت
بیر مسلمان روز و شب ده، ائیلسه هر نه عباد‌ت
اولماسا تقواسی قالماز، مذهب و ایمانی قارداش
.
#سبک_ای_ویرن_ویرانه_یرده (بیش از 3 سبک در سبک های : استخاره کردم امشب … گلپونه ها … )
.
#طفلان_زینب
#زینبین_روح_و_روانی_ای_عزیز_جانی_قارداش
#ریاضی_تبریزی
#کهنمویی
#ترکی
.
✍️ #زبدةالاشعار ✍️
?: @nohe_torki
نظر دهید