ورود به ماه محرم
.
✍️ زبدة الاشعار ✍️
?: @nohe_torki
فتح الهی
.
عزا دوتانلار اولون مهیا
گلورغم آیی محرم آیی
لباس ماتم گیون سراپا
گلورغم آیی محرم آیی
.
.
.
حسینون عشقی اولان ئوركده
گركدی خون ولا دورولسون
بوتون لباس عزا گیلسون
حسینه بزم عزا قورولسون
نشان بزم عزا قرادی
بو قاره هر بیر یانا وورولسون
حسینه آغلار تمام دنیا
گلورغم آیی محرم آیی
.
صراط حقه حسین دالونجا
بنان خیرالبشر دوزولدی
منای عشقه صداقتیلن
صفیله یتمیش نفر دوزولدی
باخان دیردی او قانلی چولده
نظامه شمس و قمر دوزولدی
باتوبدی قانه عزیز زهرا
گلورغم آیی محرم آیی
.
دوشنده یاده حسینون آدی
ئورك دونر قانه گوزلر آغلار
یازاندا ذكر مصیبتیندن
قلم سیزیلدار جهانی داغلار
بصیرتیله باخاندا گورّم
حسین قراسین حسنده باغلار
بو آیدا زهرا دیرحسین وای
گلورغم آیی محرم آیی
.
بو روزگاری محرم آیی
ایدن منوّر حسیندی گون تك
بیزه مدال شرافت اولموش
او قاره پرچم بو قاره كوینك
اورك تلاطم ایدر لباسِ
عزانی هر بیر بدنده گورجك
حسینون عشقی اولور هویدا
گلورغم آیی محرم آیی
.
حسینچی یكسر صداقتیلن
حسین یولوندا قدم وورالّار
دوتالّا دسته دیلّه نوحه
هر الّی متره علم وورالّار
كیم آغلیوب كیم وروبدی سینه
گُنه لرینه قلم وورالّار
اولارابوالفضل الیله امضا
گلورغم آیی محرم آیی
.
حسینچی ئولسه قرا باشیندا
او قاره اوندان حمایت ایلر
وار اعتقادیم او قاره ایلن
آقام حسینی زیارت ایلر
اگر حسینه دوز آغلیوبدور
جزا گونونده شفاعت ایلر
هدایت ایلر بهشته مولا
گلورغم آیی محرم آیی
.
#سبک_آچیلدی_پرچم ( 10 سبک )
.
#ورود_محرم
#عزا_دوتانلار_اولون_مهیا
#فتح_اللهی_شاکر
#ترکی
.
✍️ #زبدةالاشعار ✍️
?: @nohe_torki
نظر دهید