یا علی ابن موسی الرّضا (ع)
.
✍️ #زبدةالاشعار ✍️
.
🆔: @nohe_torki
.
مرحوم قمری
.
جنون درد عشقه اولموشام دیوانه یامولا
غریق بحر اشکم یانمشام هجرانه یامولا
.
جفالر چکمیشم جهد ایتمشم جانان سراقنده
قویوب جان گلمیشم بو درگه احسانه یامولا
.
.
دونوبدور قانه گوگلوم محنت هجریله بیمارم
هوای وصل شوقیلن نه سرمستم نه هوشیارم
سالوب جانان گوزیمدن تار اندوهه گرفتارم
دوشوبدور خسته جانیم درد بی درمانه یامولا
.
.
شرار نار فرقتدن یانان قلب کبابیم وار
خیال وصل یاریلن نه بیدارم نه خوابیم وار
بدنده تاب و طاقت یوخ گوگلده اضطرابیم وار
دونوبدور اشگ چشمیم قطره سی مرجانه یامولا
.
.
جفای چرخدن اغیار جوریندن قراریم یوخ
هجوم خیل غمدن حدّ و حصر آه و زاریم یوخ
انیس و مونس آرام قلب داغداریم یوخ
صباح و شام عادت قیلموشام افغانه یامولا
.
.
گلوبدور تنگه جانیم سوز و آه و ناله و غمدن
سرشک خونفشان هرگز قوتارماز چشم پرنمدن
بتردور آتش هجران دم نار جهنمدن
یانار جانیم همیشه آتش سوزانه یامولا
.
.
چخار افلاکه هر دم سوز دلدن دودۀ آهیم
منیم روز سیاهیمدن یتشدی کامه بدخواهیم
فغان و زاردن هرگز نه کامیم وار نه بیگاهیم
متاع صبر گیتمیش سربسر تالانه یامولا
.
.
قوای خمسه بی قوّت هجوم جیش محنتدن
عناصر سست و بی طاقت غم و درد مذلّتدن
بو درگاهه دخیلم ایسترم مطلب بو تربتدن
تمسّک قیلمیشام عجزیله بو دامانه یامولا
.
.
سن اول شاه ولایت سن که عالم بنده فرمانون
جلالتده رواق چرخ اطلس کنج ایوانون
بهشت عدنه استغنا ایدر شهر خراسانون
یتیشمز جنّت رضوان طلا ایوانه یامولا
.
.
او مولاسن عوالم منجلیدور عکس نوروندن
یتیشدی طور سینا رتبۀ والایه طوروندن
گلن امّیدیله هیچ ناامید اولماز حضوروندن
ضریحون ضوئینه قدّوسیان پروانه یامولا
.
.
او مولاسن دوتوبدور شوکتون اوج ثرّیانی
ویروب خلّاق عالم اختیار دین و دنیانی
جلالون انبساطینده ندور ملک سلیمانی
سبب سن سن مدار گردش دورانه یامولا
.
.
او شاهنشاه سن که عقل حیران معجزاتونده
ولی عین صفات الله ظاهردور صفاتونده
مخمّر نور ذات کبریادور اصل ذاتونده
وجودون باعث اولموش عالم امکانه یامولا
.
.
او شاهنشاه سن وصفون دوتوبدور کافدن قافی
جمالوندور جمال خالقون آئینۀ صافی
کلام حق ایچینده مدحوزده قل کفی کافی
در شهوارسن واقعده الرّحمانه یامولا
.
.
اولوبسان عقل اوّل بدو خلقتده مقدم سن
طفیلون کلّ مافیها و دنیا رکن اعظم سن
مصوّر صورت انسانیلن نور مجسّم سن
همان ذرّات نورون روحدور ابدانه یامولا
.
.
کیمون وصفینده دور سیزدن سوا قرآندا الرّحمان
نزول آیۀ بلّغ خطاب ق و القرآن
اشارات حروفات مقطع آیت غفران
دلالت اوچ یوز اون اوچ آیۀ قرآنه یامولا
.
.
کیمون وصفینده آیا آیۀ تطهیر اولوب گویا
کیمون شانینده دور فرقان منزَل ایچره کاف و ها
کیمون مدحینده دور یاسین کیمین وصفینده دور طاها
عبارت کیمدی یوم الحشرده میزانه یامولا
.
.
او نعمت هانسی نعمتدور سوال ایتسونله امتدن
مراد حق ندور مخلوقینه اظهار نعمتدن
نعیم جاودان سیزسوز اولوب تصریح آیتدن
ولی الله سوز عالمده انس و جانه یامولا
.
.
او شاهنشاه سن حبّون کلید باب رضواندور
جهاندا ذرّۀ خاک درون اکسیر ایماندور
تعالی الله مزارون تربتی هر درده درماندور
چکن آغوشه یانماز آتش نیرانه یامولا
.
.
ایچن عشقون شرابین حوری و غلمانه میل ایتمز
غلام آستانون جنّت رضوانه میل ایتمز
گلستانون گورن بلبل گل خندانه میل ایتمز
نه باخماز عطر و مشک و سنبل و ریحانه یامولا
.
.
بلی عشق اهلینه منظور جنّتدن وصالوندور
تلذّالاعین عاشق تماشای جمالوندور
جهان و ماسوا لب تشنۀ جام زلاندور
الوندن ایچمگه بیر ساغر و پیمانه یامولا
.
.
او شاهنشاه سن دارالاماندور درگه پاکون
مریضه صحت افزادی شفادور ذرّۀ خاکون
کمند زلف حورالعین جنت بند فتراکون
گتورسن اشهب اجلالوی جولانه یامولا
.
.
او سرور سن سنونلن مرغزار دین اولوب ریّان
چمن زار شریعت شوکتوندن خرم و خندان
اگر اذن اولماسا سندن توکولمز قطره باران
اطاعت واجب اولموش سن ایدن فرمانه یامولا
.
.
مزارون تربتینده بوی عطر مشک و عنبر وار
ضریحونده صفای انجلای مهر انور وار
بحمدالله الونده اختیار روز محشر وار
سنونلندور شفاعت حشرده عصیانه یامولا
.
.
فروغ قبّۀ زرینیوین بیر ذرّۀ نوری
تجلّا قیلسا رخشان جلوه سی بینا ایدر کوری
نگاه گوشۀ چشمون سلیمان وار ایدر کوری
گدانی التفاتون دوندرور سلطانه یامولا
.
.
شها یوز قویموشام درگاهوه بیر کمترین مورم
محبت باده سیندن دائماً سرمست و مخمورم
پر و بالیم یانوبدور «قمری» نالان و مهجورم
سر کویونده گوز یاشیم دونوب عمانه یامولا
.
.
#رضویه_قمری
#رضویه_مدح
#جنون_درد_عشقه_اولموشام_دیوانه_یا_مولا
#ترکی
.
✍️ #زبدةالاشعار ✍️
.
🆔: @nohe_torki
نظر دهید