زبانحال حضرت صغرا (س) در فراق برادر
.
✍️ #زبدةالاشعار ✍️
.
🆔: @nohe_torki
.
مرحوم غلامعلی باقری الهامی ( هوشی تبریزی )
.
.
فراقوندا علی قارداش اولوبدور دیده تر صغرا
غم هجرونده روز و شب تو کر اشک بصر صغرا
.
.
ئولونجه آغلیام قارداش گوزوم قانیاشیدن دویماز
گوزوم یاشدان گوگل آه شراره پاشیدن دویماز
بو واضحدور بولور عالم باجی قارداشیدن دویماز
نه نوعیلن دویار سندن على شوریده سر صغرا
.
.
گوزومدن ای گوزوم نوری ندن بیاه نهان اولدون
غم هجراندا روز و شب منه ورد زبان اولدون
منی ترک ایلبوب گیتدون بئله نامهربان اولدون
سنه نامهربان اولدی بو عالمده مگر صغرا
.
.
غم و دردیم علی قارداش منه واضحدی بو سوزدن
منه ایمدی بیان اولدی دونر عالمده یوز یوزدن
سنون تک هانسی قارداش باجینی آیا سالار گوزدن
دیمز بیمار عشقیمدور اولار خونین جگر صغرا
.
.
اگر چه روز و شب یانّام غم و درد و فراقوندا
ولی جانیمده تا جان وار وارام بو اشتیاقوندا
سنی داماد ایدوب قارداش گزیدیم طوى اطاقوندا
هزار افسوس بو حسرتله آخر جان ویرر صغرا
.
.
دیمه آفاقیده سنسیز علی قارداش دیوب گوللم
و یا اینکه فراقوندا سنون آسان دوزه بوللم
وصاله بو الیم یتمز سنی من گورمه میش ئوللم
خیال ایت گور چکر ایّام هجرونده نلر صغرا
.
.
دوشنده یادیمه اوُل حلقۀ زلف گرہ گیرون
دله صورتگر فکریم ایدر تصویر تصویرون
اولار گوگلوم کمند عشقیوه افتاده نخجیرون
مثال آهیوی چین و ختن دلدن ملر صغرا
.
.
على سنسیز بو یثربده غریبم همدمیم یوخدی
دچار درد هجرانم دیمه دلده غمیم یوخدی
صبادن غیر یانیمده بیر اوزگه محرمیم یوخدی
ایده اوز شرح حالیندن سنی تا باخبر صغرا
.
.
باجون پیکان هجرونله دل زارین اویار قارداش
علایق جامه سین تندن دیمه بیر آن سویار قارداش
اگر ئولسم منی کیملر مزاره بس قویار قارداش
علی بیمار دور آخر بولورسن دیده تر صغرا
.
.
علیلم ناخوشام وار نه طبیبیم نه پرستاریم
بوزوم دیواریده دلده هزار آه شرر باریم
یولا دائم باخار قارداش على بو چشم خونباریم
چکر وصل انتظارین شوقیله شام و سحر صغرا
.
.
اگر اولسیدیم عالمده بیر آن سنسیز دایانمازدیم
بولردیم هجریوی مشگل ولیکن بیله سانمازدیم
بو طول هجریوی اصلا علی قارداش اینانمازدیم
علیه جانیله باخ گور بو هجرانه دوزر صغرا
.
.
مریض عشقم عالم ده طبیبه احتیاجیم وار
دوای وصلدن اوزگه دیمه قارداش علاجیم وار
بو مدّتده دیمورسن بیر علیل و خسته باجیم وار
گیدوم تا وصلیمه نایل اولا بار دگر صغرا
.
.
خیال وصلیله باغریم دونوبدور لاله تک قانه
داخی هیهات اولام حایل گل نسرین و ریحانه
یولوم ناچار اگر دوشسه على سنسیز گلستانه
نجه ایلر گلستاندا گله بیرده نظر صغرا
.
.
او گونکه کاروان کربلا عزم حجاز ایلر
اگر تشریفبوی بولسه باجون چوخ اعتزاز ایلر
چخار روحیم سنی قارداش یول اوسته پیشواز ایلر
گلن یولّاریو ه اشک تریله سو سپر صغرا
.
.
جهاندا «هوشیا» هر چند غرق بحر عصیان سان
الون بوشدور یوزون قاره اوزون حالی پریشان سان
غم ایتمه شوق اوزیله چون حسینه سن نواخوان سان
سنی دنیاده هم عقباده ایلر مفتخر صغرا
.
.
#حضرت_صغری #هوشی_تبریزی
#فراقوندا_علی_قارداش_اولوبدور_دیده_تر_صغرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید