حالات حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
قیزیل قلم
.
قوی سرباز نام آور،علی اکبرعلی اکبر
جوان پاک وخوش منظر،علی اکبرعلی اکبر
گرامی جدّینه بنذر،علی اکبرعلی اکبر
قمرطلعت مَهِ اَنور،علی اکبرعلی اکبر
دلاور افسربرتر،علی اکبر علی اکبر
.
.
حسینون باوقاراوغلی،علی پُرافتخاراوغلی
علینون گلعذاراوغلی،شَهِ والاتباراوغلی
رسولون جان نثاراوغلی،بتولون نامدار اوغلی
بودوردولت مداراوغلی،حسینه اُولدی یار،اوغلی
عزیز آل پیغمبر،علی اکبرعلی اکبر
.
.
شببه مصطفٰی اکبر،گلِ خیرالنّسا اکبر
گلِ آلِ عبا اکبر،سُلِیلِ مرتضٰی اکبر
ذبیحِ کربلا اکبر،شهیدِ مَه لقا اکبر
شهیدنینوا اکبر،سنه صدمرحبا اکبر
جمالی آیتِ داور،علی اکبر علی اکبر
.
.
آلان میدان عشق ایچره،مدالِ اَوّلی سنسن
رسول اکرمه بنذر او ماهِ منجلی سنسن
شهید اَوّل آل ِ حسین اِبن علی سنسن
تاپان فیض شهادتلن مقام افضلی سنسن
مقامی اَعظم و برتر،علی اکبرعلی اکبر
.
.
اوقَدری یاره دگمیشدی سنه میدان دعواده
سلامِ آخرون گلدی زبانه غملی صحراده
امامون سسلدی لبّیک اوغول سس وئردی فریاده
گلوب گؤردی جوان اوغلون آتابیرقانلی دریاده
آدون دیلده ائدیب اَزبر،علی اکبرعلی اکبر
.
.
جوان اوغلی ئولن عطشان حسین میداندا تک قالدی
صلابت صاحبی اطرافینه فیض نظر سالدی
عُمَرسعداَمرینه طبلِ مَسَرّت کوفیان چالدی!
شماتت ائیلیینلرشهریارین دؤره سین آلدی
گولورلشگر،حسین سسلر،علی اکبرعلی اکبر
.
.
عَبانی آچدی چیگنیندن گؤزویاشلی یئره سَردی
کَویرستانِ قومسالدان حسین گول دَردی،گول دَردی
عبایه جمع ائدیب جسمی یوزون اَخیامه دؤندردی
جوانان بنی هاشم گلون تقسیم ائدون دردی
اُلوب دی گول کیمی پرپر،علی اکبرعلی اکبر
.
.
ائشیتجَک خیمه ده اهلِ حرم سسلندی وای اکبر
ئورکدن عمّه سی زینب یانیب سسلور اوخای اکبر
سکینه گؤزلرینده قانلی یاش سسلندی آی اکبر
داداش گَل یثربه گؤندر باجیم صغرایه پای اکبر
گؤزو یولدا قالیب خواهر،علی اکبرعلی اکبر
.
.
آناسی حضرت لیلا دئیور ایوای جوانیم وای
عزیزیم،اکبریم،اوغلوم،یارالی،مهربانیم وای
جمالی جدّینه بنذربالام،اُؤد دوتدو جانیم وای
تؤکولدی اوستومه غملرداغیلدی دودمانیم وای
اُمید خواهر و مادر،علی اکبرعلی اکبر
.
.
علی اکبرآدی شیرین ائدر هریئرده گفتاری
نمادِعشق پاکیزه بوتون گفتار و رفتاری
یقینیمدور علی اکبر ائدر رفع گرفتاری
«قیزیل دان بیر قلم»اَلده یازاندا شعری«ستّاری»
آدین دور زینت دفتر علی اکبر علی اکبر
.
.
#اکبریه_قیزیل_قلم
#اکبریه_شهادت
#قوی_سرباز_نام_آور_علی_اکبر_علی_اکبر
#ترکی
.
✍️ #زبدةالاشعار ✍️
.
🆔: @nohe_torki
نظر دهید