حضرت ابی عبدالله الحسین (ع) در قتلگاه شهدای کربلا
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
منیم که آغلاماقا گوزلریم مقرّردور
گوزیمده ایمدی امام حسین مصوّردور
.
چکوب کنارینه بیر بیر ئولن صحابه لرین
بویوردیلار بولار افعال خیره مصدردور
.
محاسنی بیر الینده بیرال بلینده دوروب
گلوب یخلماقا بیر نخل تگ گل و بردور
.
گوروب الف کیمی خط خط قلج یارالارینی
بویوردی سورۀ توحیده راست مسطردور
.
قوجاقدا بیر قره قول نعشینی دیدی گوره سن
بو مشک نافه سیدور یا عبیر عنبر دور
.
باخور جوانینه قان ایچره سسلنور یاران
گلون گوراخ بو پیمبردی یا که اکبر دور
.
علیدی بو یخلوب یا بتوله نورالعین
حسندی یا که یاتوب یا حسینه مظهردور
.
یغشدیروب اله گیسولرین دیردی باخون
بو زلفدور توکولوب یا که سنبل تردور
.
گورنده قاسمی بی سر دیدی کنایه ایلن
اولوبدی پاره سراسر بو هانسی سروردور
.
قوجاقلیوب دیدی ای اوغلومون ردیفی بالا
گوز آچ عمون نجه گور بی معین و یاور دور
.
حنادی بو الیوه یاخمیسان و یا قاندور
کفندی گل گل اولوب یا که خلعت زردور
.
ایاقه دور آپاروم منتظردیلر چوخلار
کیمی بی بی کیمی خواهر کیمیی سی مادردور
.
سو ایسترم ویره سیز گلدی مجلسه سقا
توکوبدی گوز یاشینی گور نه پاک منظردور
.
گیدوبدی سو گتوره ویرمیوبله قلبی سنوب
دایانمیون که ایدر قهر چوخ دلاوردور
.
فدا او قوللارا که سالدیلار فرات اوسته
دیردیلر اوزی شهبازدور بو شهپردور
.
گلون دوتاخ بو قوشی گرچه مرغ وحدتدور
ولیک تیز دوتولار یوخ قنادی مضطردور
.
قنادی اولماسا هر قوش یقین اوچا بیلمز
اگر چه بام حرمدن اوچان کبوتردور
.
بیری دیردی دوتون ال دوتان الى یوخدور
آتاسی شیر خدا دور اوزی غضنفردور
.
دخیل ایکی کیسیلن اللری ابوالفضلین
شفاعت ایتماقا عنوان روز محشردور
.
.
#حسینیه_دخیل
#حسینیه_شهادت
#اصحاب_الحسین
#منیم_که_آغلاماقا_گوزلریم_مقرردور
#ترکی
.
✍️ #زبدةالاشعار ✍️
.
🆔: @nohe_torki
نظر دهید