حضرت موسی ابن جعفر علیه السلام
(رازو نیاز)
.
.
.
.
.
#سبک_سو_یوخومدی_قزلاروندان … 5 سبک
مشابه
.
مرحوم غلامعلی باقری الهامی ( هوشی تبریزی)
.
من زاری کنج غربت گتوروبدی جانه یا رب
اودور آ شکارنی تک گلرم فغانه یا رب
منم اول غریب مظلوم منی ایلیوبله مسموم
اورگیم دونوبدی زهرِ ستمیله قانه یا رب
.
.
یتوب هربلا وزجرو غم و درد سهل ساندیم
ولی عا قبت بو یرده شرر ستمله یاندیم
نقدرجفا وظلمه بولوسن دوزوب دایا ندیم
کهویروبدی زهرهارون من ناتوانه یارب
.
.
ره عشقیده گوزومدن هامی ماسوانی آتدیم
توکوب حسرتیله گوزدن یوزه اشک قانه قاتدیم
بو دیارغمده آخر من عجب مرامه چا تدیم
واریدی چوخ احتیاجیم بیله بیر مکانه یا رب
.
.
من ازلدن ایستیوردوم اولابیرجه بزم خلوت
غم غصه دن اولیدی من زاره بیرفراقت
نه گوزل مرامه چاتدیم اله گلدی وقت فرصت
گرک ایمدی شرح حالی گتورم بیانه یا رب
.
.
سیخلوب فشارغمدن اریوب بوخسته جانیم
چخاراودلی دلدن عرشه اودی دمبدم فغانیم
قوری یربو کنج محبس اولوب عاقبت مکانیم
بوجفایه بولمم هارون نه ایدوب بهانه یا رب
.
.
اولی دوزدی دردغربت غم بی دوا غریبه
نه اولارشریک محنت نه بیر آشنا غریبه
ولی اولمیوبدوراولماز بوقدرجفا غریبه
گتوروب جفای دشمن منی الامانه یا رب
.
.
بودیارغمده منده بولوسن خدا غریبم
اورگیمده چوخدی دردیم ولی دردبی طبیبم
اوزولوب الیم ایلیمدن داخی زاروغم نصیبم
منی هرخدنگ محنت ایلیوب نشانه یا رب
.
.
گل باغ مصطفایم اوزوم حسرتم بهاره
ستمیله گلشنیمدن داخی دوشموشم کناره
منی چرخ کینه پرورایدوب همنشین خاره
اودی گلستان عیشیم قویوب اوزخزانه یا رب
.
.
هانی بیرغریب اولسون غمه مبتلا منیم تک
یری کنج حبس تاریک اولا ای خدامنیم تک
دایانوب دوزه جهاندا چکه هربلا منیم تک
نه گلوب غریب من تک نه گلرجهانه یا رب
.
.
منی سند دون بیرحم نجه گور ایدوبدی مسموم
یری واردی حال زاریم ایده گر جهانی مغموم
بولوسن نه نوعی دشمن منی ایلیوبدی مظلوم
غم بی شمار گلمز دیماقیله سانه یارب
.
.
منی جورظلم دشمن ایلیوب الهی خسته
ایاقیم قولوم اولوبدور د اخی قید ظلمه بسته
نه چراغ وارنه فرشیم یاتارام بوتوپراق اوسته
ولی بیرعبای کهنه گلوری گمانه یا رب
.
.
اولورم بوصون نفسده باشیم اوسته آغلیان یوخ
گلوب حالیمه یانوب بیر اورگینی داغلین یوخ
گوزومی شفقّتیله بیله دمده باغلیان یوخ
اودوراشکیمی عذاره ایدرم روانه یا رب
.
.
دیدی مجتبی حسینون بیرعزیز نوحه خوانی
چکه (هوشی) تا که نظمه بو بیان غم فزانی
درگه حسینده ثابت ایله بو ایکی جوانی
اوزون ایله لطف کامل بو ایکی جوانه یارب
.
.
.
#کاظمیه_هوشی_تبریزی
#کاظمیه_شهادت
#من_زاری_کنج_غربت_گتوروبدی_جانه_یا_رب
#ترکی
.
.
نظر دهید