زبانحال حضرت امام موسی بن جعفر (ع)
.
✍️ #زبدةالاشعار ✍️
.
🆔: @nohe_torki
.
مرحوم عابد تبریزی
.
اولوب مغلول اگر چه دست و پا قید اسارتده
ولیکن بال آچوبدور طایر جان اوج وحدتده
.
نه غم گر تابش ایتمز مهر و مه زندانه روز و شب
که هر دم جلوہ گر دور عارض جانان بو ظلمتده
.
شکایت ائتمرم زنداندن ، زنجیردن هرگز
زبان گویای اسم یاردور هر ذکر و صحتده
.
اگر چه بی کسم اما انیسیم فکر جاناندور
گوگل خوشدور لقای آشنادن کنج غربتده
.
شئون حجة اللهی اسارتدن خلل تاپماز
هامی آزاده لیق تاپمیش تحقق بو اسارتده
.
حریم اعتکافیمدور منیم بو گوشۀ زندان
اورک مشغولیدور یاریله محراب عبادتده
.
خدائی عزّتین نقصانی یوخ ، امر مسلمدور
عدو هر حالده ذلّتده دور من اوج عزّتده
.
ازلدن بینهایتده اولوب مجذوب ذرّاتیم
جهان مجذوب اولار گر بینهایتده نهایتده
.
ریاستدن هوا سرمستی عزّت آختارار اما
حقیقت عاشقی عزّت تاپار فیض شهادتده
.
نه غم ، زنجیردن ، زندانیدن ، اندوه غربتدن
شکایت ایلمز سالک اولان راه حقیقتده
.
ولی معصومه دیدارین گوگل چوخ آرزو ایلر
بلی واضحدی بی آرام اولور دل درد فرقتده
.
نسیم صبحیله پیغامینی همراه ایدر اما
نسیمه یوخدی امکان گذر بو دار محنتده
.
مشام جان آلار عطرین گنه باد سحرگهدن
تاپار دل بوی فردوس برین هر دم بو نکهتده
.
بلی هر آشنایه آشنادور ، آشنا عطری
نجه امکان قریب اولماز أولا بُعد مسافتده
.
هویدادور گوزومده عارضی هر لحظه هر ساعت
گوزوم نورین گوزوم هر دم گورر اولسا نه حالتده
.
گل رخساری سولموش آفت هجرانیدن بُلّم
گوزونده شام تار اولموش ایشیق گونلر بو آفتده
.
نه نوعی سولماسین اوز شاخه سیندن آیریلان بیرگل
نجه شمع عزا تک یانماسین نار مصیبتده
.
گل مریم نجه تقطیر شبنمله اولور همدم
جمالی غرق اولوب بلّم سرشک درد حسرتده
.
خیال ایتدوقجا سولموش عارضین قلبیم یانار آری
گل سوری مصیبتدور سولا عین طراوتده
.
بیراوزگه ماجرا ایلور تداعی بو بیان «عابد»
رقیه صحبتی یاده دوشور بو طرز صحبتده
.
#کاظمیه_عابد_تبریزی
#کاظمیه_شهادت
#اولوب_مغلول_اگر_چه_دست_و_پا_قید_اسارتده
#ترکی
.
✍️ #زبدةالاشعار ✍️
.
🆔: @nohe_torki
نظر دهید