نلر ای شب سنین زلف سیه فامیندا پنهاندیر #رضویه_علی_شهودی

میلاد امام رضا (ع)
.
✍️ #زبدةالاشعار ✍️
.
🆔: @nohe_torki
.
علی شهودی
.
نلر ای شب سنین زلف سیه فامیندا پنهاندیر
بیلر اسرارینی اول کس کی اهل عشق و عرفاندیر
.
بصیرت گر گوزون اولسا گوررسن صحنه ی شبده
نه پنهانلار کی پیدادیر نه پیدالر کی پنهاندیر
.
اگر چی حاصلیم یوخدور الیم بوش روسیاهم لیک
گدایم من ، منه آل علی عالمده سلطاندیر
.
هره بیر دامنی دوتموش من آل الله دامانین
الیمدن چون دوتان روز قیامتده بو داماندیر
.
بوگون بیر آفتاب ایستیر چیخا شرق ولایتدن
قوپوپ هنگامه یئر گویده بوتون ذرات،رقصاندیر
.
بهشتی طلعتی قویموش قدم دنیایه حسنونده
ملک لرمات ومبهوت و فلک لرمحو وحیراندیر
.
بو کیمدیر کیم خداوندا کی ائتمیش عالمی حیران
کی اوندان اوترو عاشقلر گئجه گوندوز پریشاندیر
.
اونو توصیف ائدن خاتم اونو تعریف ائدن آدم
اولان موسی اونا همدم رکابیندا سلیماندیر
.
گوروبدورکیم چیخابیرگون گونش دامان اولدوزدان
او اولدوزنجمه دیر نجمه گونش شاه خراساندیر
.
ندیر نجمه بیر اولدوزدور کی مغربدن طلوع ائتمیش
پری پیکر پری منظر پری طلعت پری شاندیر
.
آتاسی آنلینی اوپدو آناسی سویلدی به به
بو طفلین طالع سعدی جبینیندن نمایاندیر
.
بشارت وئردی پیغمبر محب اول آل اطهاره
کی آل اطهرین حبی اوره گده کنز الایماندیر
.
امامی ایستییه هر کیم اورگده ن بیل ، خداوندی
ملاقات ائلیین وقته یوزو ،بشاش و خنداندیر
.
اولوم قربان او سلطانه کی یوخدور مثلی عالمده
بوتون سلطانلار عالمده بو بیر سلطانه قرباندیر
.
سحر تئزدن اسنده بیر نسیم اول بارگاهیندان
بوتون عشاقین عالمده قوپان قلبینده طوفاندیر
.
.
#رضویه_میلادیه
#نلر_ای_شب_سنین_زلف_سیه_فامیندا_پنهاندیر
#ترکی
.
✍️ #زبدةالاشعار ✍️
.
🆔: @nohe_torki