یا مهدی
.
✍️ #زبدةالاشعار ✍️
.
🆔: @nohe_torki
.
#کامران_اسدی_حقایق
.
.
وجودون ای گوزل گنجینه حسن وجاهت دی
کناروندا سنون یوسف فقیر و بی بضاعت دی
.
کساد ائتماقه حسن یوسفین رونقلی بازارین
سنون بیر بئیله حسنوندن فقط بیرگل کفایتدی
.
نگاهون گر یئری قالسا جمالوندا یئری واردی
گل رخسارون از بسکه ظریف و با لطا فتدی
.
گوروبدور نرگسین اوغلوندا نرگس گوزلرین نرگس
بینمز ئوز گوزون گرچه گُوزی ورد جماعتدی
.
امامت تک گوزل لیق حُجَتِ الله ختم اولموش
سنون گویچکلیقون اون بیر گوزلیقدان علامتدی
.
سن او بیر گویچکین گویچلیق ندان بهره مند اولدون
بونی عالم بولر اثباتینه حجت نه حاجتدی
.
ائله دیل چسبدور که قویموری لب لبدن آیرلسون
سوز آچماق شهد وصلوندن عجب مشکل حکایتدی
.
کَمندونن دوشر تا سوز، اسیرون تئز دییر به به
اسیر عشقون اولماق بسکه شیرین بیر اِسارتدی
.
هره بیر عشقیلن مشهور اولوب مولا بو دنیاده
سنون عشقونده، مشهوریتِ اهـل ولایت دی
.
بو گونکی وصلوون وار #مهدیا هجران کمندینده
بهار وصلووی تهدید ائــــدن پائیز فرقتدی
.
سنون عشاقوون جشن و سروری تک بو گونلوقدی
صباح عشاقوون حالتلری بیر ئوزگه حالتدی
.
دمادم آه چکماق قان اوتوب قان آغلاماق سن سیز
یولووی گوزلین عاشق لره چوخدانکی عادتدی
.
گرک شک ائیلیاق انصافینه انصافاً ای مهدی
دیسه کیم شور هجرانون قیامتدن علامتدی
.
سنون هجرونده که بر پا اولان غوغا قیامتدن
علامت یوخ ئوزی چون ئوز یرینده بیر قیامتدی
.
سوروشما مبتلایان فراقون کسب و کاریندن
که سن سیز ایشلری دنیاده تنها کسب محنتدی
.
ئوزون گَل اللریندن دوت ایاقدان قویما دوشسونلر
که الدن توتماق آل اللّهه بیر دیرینه خصلتدی
.
نگاری گورمیوب ئولماق یامان ئولماخدی داد اوندان
بله ئولماق شکنجئ یلن برابر بیر مشقتدی
.
بولر تنها جمال یارینه حسرت قالان عاشق
که جانانانین یوزون بیریول گوروب ئولماق نه نعمتدی
.
ظهورون بیر عنایتدی بونا سوز یوخ ولی مهدی
اونون تعجیلی عشاقه عنایت در عنایتدی
.
.
#وجودون_ای_گوزل_گنجینه_حسن_وجاهتدی
#کامران_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید