زبانحال حضرت لیلا در شهادت حضرت علی اکبر
.
✍️ #زبدةالاشعار ✍️
.
🆔: @nohe_torki
.
حاج احمد پور رادی ( لطفی تبریزی )
.
علی هجرونده لیلا دائم ایلر آه و زار آغلار
توکر رخساره گوزدن اشگ حسرت بی قرار آغلار
.
.
سنیله روز و شب محزون اولان قلبی ائدردیم شاد
گزردیم بو خیالیله دوتام طوی ائلییم داماد
امان چرخین الیندن داده گلم ایلرم فریاد
قالوب حسرت آنان، سندن اولوب چون شرمسار آغلار
.
.
دئدیم میدانه گل گئتمه من نالانه رحم ایله
یوخومدور طاقتیم بو آتش هجرانه، رحم ایله
اوغولسوز قالمشام سس وئر بو سر گردانه رحم ایله
آناننان آیرلیق داغی آلوب صبر و قرار آغلار
.
.
دگوب اوخ یاره لردن لخته لخته قان گلور جوشه
دم تیر سنان قویمور آلام گل جسمون آغوشه
دییولر سسلمه یورقوندی دینمور، چون گئدوب هوشه
گورن بو حالیوی گوزدن ائدیر اشگین نثار آغلار
.
.
چتیندور هر آنا اوغولون بئله القانیله گورسون
جگر داغین نئجه طوفان اولان گوز یاشی سوندورسون
هلاک ایلر اوزون سس وئر رقیه آز قالور ئولسون
حرملر، عمه لر، قیزلار، آچوب باش کیم نه وار آغلار
.
.
دوزوم هانسی غمونده ایتمیوم من ناله و شیون
وجودون تیغیله پامال ائدوب بو رحمسیز دشمن
او قدری اوخ دگوب جسمون آچوب یکسر گل سوسن
آنان سنن سورا هجران سوزون ایلر شعار اغلار
.
.
علی درد فراقون ایلیوب دلدن منی محزون
نئجه بو کاسهء چشمیم ئولونجه اولماسون پر خون
یاخوندور چوللره دوشسون آنان اولسون علی مجنون
گئدوب تالانه عمروم اولدی صبریم تار و مار آغلار
.
.
خیاله گلمزیدی بیله سرو گلسِتان سولسون
سینمده بسلنن گل تیر اعدایه نشان اولسون
قلجلانسون باشی ظلمیله زخمی خونفشان اولسون
کیم اولسا بو جهاندا من کیمی ظلمه دچار آغلار
.
.
نچون غرق گناهم شرمسارم یوم محشرده
الیمده توشه یوخدور محضر دادار داورده
شفاعت قولی گر وئرسه منه لیلا و اکبرده
خدایه شکر ائدر #لطفی، سیزه لیل و نهار آغلار
.
.
#اکبریه_شهادت
#علی_هجرونده_لیلا_دائم_ایلر_آه_و_زار_آغلار
#ترکی
.
✍️ #زبدةالاشعار ✍️
.
🆔: @nohe_torki
نظر دهید