ورود کربلا
.
✍️ زبدة الاشعار ✍️
?: @nohe_torki
.
زعفر آزادمهر
.
کربلا عهد ائتمیشم ایفایه خاطر گلمیشم
قانیلن دین پیکرین احیایه خاطر گلمیشم
.
.
کرسی دینه سوار ایلوب یزیدی اهل شام
امر و نهی امتی واجب بیلوب ائتدیم قیام
امتین اصلاحی لازیمدور قانیلان والسلام
حقّیلن باطل ائدن دعوایه خاطر گلمیشم
.
.
گلمدیم مال و منالیله مقامه یتمگه
یا که جان فکری ائدم بیرده حجازه گئتمگه
تاجرم گلدیم بلا بازارینه سود ایتمگه
من ازل گون ائتدیگیم سودایه خاطر گلمیشم
.
.
عهد و پیمان باغلیان ایفاسینه اولماز غمین
من گرک عطشان ئولم تاپسون بقا قرآن و دین
قطعه قطعه اوغلیمی دوغرار بو چولده اهل کین
بیر عبایه جمع اولان اعضایه خاطر گلمیشم
.
.
سو کنارینده سوسوز اصحابیمین جانی چخار
نهرین اوستونده سوسوز سرلشکری لشگر یخار
قلبیمی سرداریمون قولسوز یخلماسی سخار
قاف زین اوستن دوشن عنقایه خاطر گلمیشم
.
.
کوفیان تعجیل ائدر طبل شقاوت چالماقا
نخلزار ایچره کمین ایلر قوشون قول سالماقا
بیر گوزین بیر جوت قولین سقا وئرر سو آلماقا
اوخلانان مشکی سوسوز سقایه خاطر گلمیشم
.
.
عون و فضل و اکبرین هجریله قلبیم داغلانار
قاسم و عباس ئولنده راه چاره م باغلانار
صود امر اوغلوم منیم حتی الیمده اوخلانار
تیر جانکاهه گولن سیمایه خاطر گلمیشم
.
.
چکمه لی قاتل چیخاندا سینمه زهرا گلر
وای حسین سسلر حسن حیدر گلر طاها گلر
خیمه دن گوداله زینب دلده واویلا گلر
قتلگاهیمده دوشن غوغایه خاطر گلمیشم
.
.
پاک قانیمدن تاپارسان قدر و قیمت کربلا
شیعه لر ایلر سنه عرض ارادت کربلا
قبریمی”زعفر” ائدن وقته زیارت کربلا
سسنلر ای دار غم مولایه خاطر گلمیشم
.
#سبک_زینبم_جان_اوستیم (بیش از 4 سبک)
.
#ورود_کربلا
#کربلا_عهد_ائتمیشم_ایفایه_خاطر_گلمیشم
#زعفر_آزادمهر
#ترکی
.
✍️ #زبدةالاشعار ✍️
?: @nohe_torki
نظر دهید