ورود به کربلا
.
✍️ زبدة الاشعار ✍️
?: @nohe_torki
.
سیدبشیر حسینی میانجی
.
کربلایم غصّه لی غملی دیارم یاحسین!
خلق اولان گوندن سنه چشم انتظارم یاحسین!
.
.
کاتب حکمت یازوب افسوس اولا مقتل منی
لوح فخر اوسته چکوب هر بُقعه دن اوّل منی
حق سنه خاطر ائدوبدی کعبه دن افضل منی
ای منیم فخریم! جهانه افتخارم یاحسین!
.
.
دوّم ماه محرّمده منه وئردون شرف
عطر زهرانی گتیردون ای گل شاه نجف!
گلمَگوندن گلدی ایجاده بو گون شوق و شعف
غنچه لرگول آشدی عشقوندن بهارم یاحسین!
.
.
شمع جمعِ حُسنیوه یئتمیش ایکی پروانه وار
بی گمان هر تک تکینده یانماقا پروانه، وار
عالم امکان دولانور باشیوه پروانه وار
حق بیلور عشقونده دائم بی قرارم یاحسین!
.
.
سن بیلورسن قیزلارون بو چؤلده معجرسیز قالار
زینبون دشمن الینده یار و یاورسیز قالار
یئدّی قارداش باجیسی آخر برادرسیز قالار
من باجون زینب غمینده دلفکارم یاحسین!
.
.
سن بیلورسن قانینه غلطان اولار بو لشکرون
اوخشویار باش یاره سیندن مرتضایه اکبرون
اوخلانار اوز اللرون اوسته علی ّاصغرون
ایندیدن من ماتمونده اشکبارم یاحسین!
.
.
سن بیلورسن روز عاشوراده نه غوغا اولار
سن شهید اولسون عزادارون آنون زهرا اولار
اهلبیت اطهره بیر محشر عُظمیٰ اولار
گور نئجه پوزقوندی حالیم سوگوارم یاحسین!
.
.
سن بیلور سن قارداشون عباسه نیلر دشمنون
خیمه گاهونده قالار قیزلار الینده دامنون
حیّ یکتادن حیا ائتمز دنی اهریمنون
قوم شام و کوفیه نفرین شعارم یاحسین!
.
.
حیف اولا بو شوکت و جاه و جلالِ زینبه
بیر مصیبت واردی گلمز هئچ خیالِ زینبه
نینوایم من نوا قیلاّم ملالِ زینبه
غمکشیده باجیوه من غمگسارم یاحسین!
.
.
بو گلن قیزلار یقین بیر گونده ایمن سیز گئدر
بلبلانِ دلشکسته باغ و گلشن سیز گئدر
قولاّری باغلی اؤرَک داغلی باجون سنسیز گئدر
من دعائیله اونا معناده یارم حسین!
.
.
بیر زمان قبرون کنارینه گلر «سیّدبشیر»
آیریلیقدان قورتولارکن دینجلر «سیّدبشیر»
شوقیدن گؤزیاشینی بوردا الَر «سیّدبشیر»
سسلنر گلشنده سن گول، منده خارم یاحسین!
.
#سبک_زینبم_جان_اوستیم (بیش از 4 سبک)
.
#ورود_کربلا
#کربلایم_غصه_لی_غملی_دیارم_یاحسین
#سیدبشیرحسینی
#ترکی
.
✍️ #زبدةالاشعار ✍️
?: @nohe_torki
نظر دهید