راه شام
زبانحال حضرت رقیه سلام الله علیها
.
.
#سبک_کوفیان_گور_نجه_یاندیردی_منی (شامل دو سبک دیگر با تغییر در واگیر : #سبک_کربلا_قبله_عشقیمدی_منیم و #سبک_اویان_ای_یار_وفاداریم_اویان )
مرحوم #سلیم_موذن
.
سید تقی سیفی اردبیلی
.
کوفیان گور نجه یاندردی منی
اشک محنتله بویاندردی منی
.
بی بی زینب منه رحم ایله دایان
کاروان گئتدی آدامسیز قالدیم
.
.
.
.
عمّه من چرخ حیا اولدوزیام
خاندانِ علوینون دوزویام
هامیدان یاخچی تانورسان منی سن
آتامون من دیلی شیرین قیزیام
بی بی زینب …
.
.
بو فنا دهره کی گلدیم آنادان
منی نازیله یاراتدی یارادان
سیرِ اقبالیمی دؤندردی فَلَک
خوش گونوم گئتدی تماماً آرادان
.
.
چرخِ دون سالدی بلایه باشیمی
آتا قارداش منیم آتدی داشیمی
صود امر جیرانیما دلخوشودوم
اوچیلار اوخلادی غم یولداشیمی
.
.
سندروب چرخ دنی شهپریمی
حبس ائدوب دیلده شیرین سوزلریمی
باخورام قورخولی صحرایه مَلول
توکورم دامَنَه اشکِ تریمی
.
.
عمّه سن مندن اوزاق یاتمازیدون
درد و غم یولداشیوی آتامازیدون
ئولمَسِیدی منیم اللرده آتام
سن بو تئزلیکده منی آتمازیدون
.
.
سنه قربان بئله تک قویما منی
قورخورام اینجیده بو قوم دنی
یول قرانلوق من ئوزوم خردا اوشاق
یورقونام ساخلا گئدن قافله نی
.
.
شمر الیندن یایاقیم یارَه لَنوب
تشنه لیکدن دوداقیم پارَه لَنوب
ایستورم قافلیه ساری قاچام
یره گلمور ایاقیم یارَه لَنوب
.
.
سینه ده تنگه دوشوبدور نفسیم
بو فنا عالم اولوبدور قفسیم
بیر دایان قوللاریوی بوینوما سال
واردی آغوشیوه دلدن هوسیم
.
.
آز قالور قلبیمی غم تیری بُوله
بیر ترحُّم ائله بو خسته دله
منی چوللرده قویوب گئتسون اگر
ایلَرَم جدّیمه محشرده گله
.
.
غصّه دن ساغر صبریم جالانوب
تللریم گرد و غباره بویانوب
سسلورم هر کیمی من یوخدی جواب
اوره گیم لاله مثل پارچالانوب
.
.
عمر شیرینه چاتوب دستِ عدم
آتورام صحنۀ مُحنتده قدم
غرق دردم نه دوا وار نه طبیب
نیلیوم بس بو چوله نابَلَدم
.
.
بختی قاره اوشاقام خونجگرَم
برگ گل تک غم الینده اَسَرَم
یتشون دادیمه اللهه گوره
یوخدی الدن دوتانیم دربدَرَم
.
.
.
#راه_شام
#کوفیان_گور_نجه_یاندردی_منی
#سیفی_اردبیلی
#ترکی
#زبدةالاشعار
نظر دهید