راه شام
.
✍️ زبدة الاشعار ✍️
.
🆔: @nohe_torki
.
مرحوم حسینی سعدی زمان
.
تصور ایلمسن دیلدن اولماسان آگاه
قواردی قیزلاری یوللاردا آت دوشونده سپاه
.
بیری قاچوب یخیلاردی چکردی دلدن آه
بیرینه قمچی دگنده دیردی یا الله
.
ئولوم نه یاخشی دی قارداش اسیر اولماقدان
ایاقلاریم قابار اولدی پیاده قاچماقدان
.
.
.
.
سرشک چشم رقیه آخاردی اوز باشینا
ترحم ایلین اولمازدی لیک گوز یاشینا
.
یتن وراردی گینه تازیانه سین باشینا
دوتوب جداده یوزون عرض ایدردی قارداشینا
.
ئولوم نه یاخشی دی قارداش اسیر اولماقدان
ایاقلاریم قابار اولدی پیاده قاچماقدان
.
.
.
.
اورک داش اولسا یانار اهل بیت اطهاره
دوزوب هامی غمه یالوارمادیله کفاره
.
ایدنده خار مغیلان ایاقلارین یاره
دیردی خوردا اوشاقلار سر علمداره
.
ئولوم نه یاخشی دی قارداش اسیر اولماقدان
ایاقلاریم قابار اولدی پیاده قاچماقدان
.
.
.
.
سکینه قولارینی باغلامشدی لشکر شام
ترحم ایتمزیدی قوم دون بد فرجام
.
سزیلدینده وراردی او طفله سیلی مدام
قاچاردی آت قاباقندان دیردی یا علام
.
ئولوم نه یاخشی دی قارداش اسیر اولماقدان
ایاقلاریم قابار اولدی پیاده قاچماقدان
.
.
.
.
بو سهلدور که حریم خدا الوبدی اسیر
جفا و ظلمده ایتموبدی شمر دون تقصیر
.
بیوک کیچک هامونون بوینونا وروب زنجیر
او حالتیله پیاده دیردیله دلگیر
.
ئولوم نه یاخشی دی قارداش اسیر اولماقدان
ایاقلاریم قابار اولدی پیاده قاچماقدان
.
.
.
.
چوخ ایلینده نوا اهلبیت شاه امم
چکوب یخاردی یره ناقه دن او قوم ظلم
.
وراردی باشلارینا تازیانه اهل ستم
صدا صدایه ویروب سسلنردی اهل حرم
.
ئولوم نه یاخشی دی قارداش اسیر اولماقدان
ایاقلاریم قابار اولدی پیاده قاچماقدان
.
.
.
.
ئلونجه وار یری یانسام او قوم کینه سنه
بریسی رحم ایلمزدی صفیه ناله سنه
.
وراندا قمچی تاپولمازدی سس ویرن سسنه
قاچاردی هولیله گاهی دیردی عمه سنه
.
ئولوم نه یاخشی دی قارداش اسیر اولماقدان
ایاقلاریم قابار اولدی پیاده قاچماقدان
.
.
.
.
«حسینی» قلبوی بو غم گتوردی گر درده
آدون جزاده حسینی یازالا دفترده
.
غم ایتمه معصیتوندن گیچله محشرده
بو شعری نظم ایدنه رحمت ایله هر یرده
.
ئولوم نه یاخشی دی قارداش اسیر اولماقدان
ایاقلاریم قابار اولدی پیاده قاچماقدان
.
.
#راه_شام_سعدی_زمان
#تصور_ایلمسن_دیلدن_اولماسان_آگاه
#ئولوم_نه_یاخشی_دی_قارداش_اسیر_اولماقدان
#ترکی
.
✍️ #زبدةالاشعار ✍️
.
🆔: @nohe_torki
نظر دهید