زبانحال حضرت امام حسین علیه السلام بر سر بالین حضرت علی اکبرعلیه السلام
.
✍️ #زبدةالاشعار ✍️
.
🆔: @nohe_torki
.
#سبک_ای_حرمینه_ناز_ایدن
مشابه
.
مرحوم غلامعلی باقری الهام (هوشی تبریزی)
.
کوی وفاده گل کیمی قانینه ای باتان اوغول
آچ گوزیوی اویان گلوب داده یته آتان اوغول
.
.
ای چمن سروریمه سرو روانیم آچ گوزون
گوزلریمون ضیاسی وی دیزده توانیم آچ گوزون
دلده قرار و طاقتیم جسمیده جانیم آچ گوزون
گور نجه نی تک ایلوری داد و نوا آتان اوغول
.
.
لیلی گلنده ایمدی سن ایلدی شانه زلفوی
عطر وُروب عذاریدن چکدی اویانه زلفوی
کیم بویادی ولیک بو نوعیله قانه زلفوی
بستر خاک و خونیده نازیله ای یاتان اوغول
.
.
وجهی ندور بو نوعیله عالمی گوزدن آتموسان
خار جفا دگوب ز بس گل کیمی قانه باتموسان
روز وصال لیلینی لیل فراقه ساتموسان
یوخ دم وصلی فرقته سن کیمی بیر ساتان اوغول
.
.
گور نجه آه و نالمی نُه فلکه اوجاتموشام
توکموشم اشک دیده می خون دلیله قاتموشام
قانیوه گور نه نوعیله سنکیمی منده باتموشام
قانینی اوز آتاسینین قانینه ای قاتان اوغول
.
.
جانیمه آشکاردور نارغمون شرر سالوب
سلب ایدوب اختیاریمی تاب و توانیمی آلوب
سن منی گوزدن آتموسان سینه ده اللریم قالوب
بیر بیله گونده گوزدن ای اوز آتاسین آتان اوغول
.
.
مهر و وفا طریقینی کوی وفاده سئچموسن
شوقیله جام وصلت یاری بو چولده ایچموسن
وصل نگاره جانیدن بیله اودور که گیچموسن
عشق یولوندا جان ویروب مقصده ای چاتان اوغول
.
.
بولمدی فرقۀ جفا سن علی ماه پاره سن
وُردی دوباره باخمادی باشدان ایاقه یاره سن
چرخ وفایه من گونم سنده علی ستاره سن
کوکب بخت لیلی تک ای دولانوب باتان اوغول
.
.
بیرنچه آیدی «هوشی نون» طوطی طبعی لال اولوب
جاری اودورعذارینه دیده دن اشک آل اولوب
نطقه گلوبدی ایمدی لیک نظم بو خوش مقال اولوب
کوی وفاده گل کیمی قاننیه ای باتان اوغول
.
.
#اکبریه_هوشی_تبریزی
#اکبریه_شهادت
#کوی_وفاده_گل_کیمی_قانینه_ای_باتان_اوغول
#ترکی
.
✍️ #زبدةالاشعار ✍️
🆔: @nohe_torki
نظر دهید