زبدةالاشعار

یتیش فریادیمه ای تاجداریم سروریم قارداش #عباسیه_حقیر_خویی

استمداد حضرت ابوالفضل(ع)
.
.
.
مرحوم میرزا عبدالوهاب حقیرخویی
.
.
یتیش فریادیمه ای تاجداریم سروریم قارداش
پناهیم دادخواهیم غمگساریم یاوریم قارداش
عزیز داوریم قارداش«۲»
.
.
عقاب اوستن منی قولسوز سالوب بو فرقهٔ کافر
اولوبلار هرطرفدن اوستومه دشمن هجوم آور
چخوب چون قبضهٔ شمشیردن ال قتلیمه لشگر
تاپوب جرأت گوروللر یوخ بدنده اللریم قارداش
.
.
اؤزون گل تئز یتور مشگلده ام مشگل گشااوغلی
یوخ امداد ایلین امدادیمه یت لافتی اوغلی
دایانمور باش کسن دورما علیّ المرتضی اوغلی
دوروب قاتل امان وئرمور اماندور حیدریم قارداش
.
.
دئمه باشیم کسیلماقدان برادر ایلرم پروا
نه بالله ئولماقیمدان قوخمارام قورخوم بودور اما
جمالون گورمیم بیر جان وئرن وقتیمده یامولا
قالا دیداروه حسرت بو قانلی گوزلریم قارداش
.
.
یوزیوی گورمیونجه وئرمرم جان انتظاریم وار
ندور تأخیره باعث سنله آخر بیر قراریم وار
وئرم جان خاک پایونده بونا چوخ افتخاریم وار
بو فخریله یتر عرشه باشوم تاج سریم قارداش
.
.
ائشیتدی بو صدانی خیمه ده چون شاه دلخسته
قویوب یوز سمت میدانه گلوب قارداش باشی اوسته
گوروب هوشه گئدوب آلدی دیز اوسته باشین آهسته
بویوردی ای وفا برجینده تابان اختریم قارداش
.
.
سنی ئولدوردولر آسوده غمدن اهل شام اولدی
ولیکن استراحت آل اطهاره حرام اولدی
شهید اولدون منیم امریم شهادتده تمام اولدی
گوروب یالقوز منی جرأت تاپوب دشمنلریم قارداش
.
.
بو چولده قالمامیشدی سندن اؤزگه بیر مددکاریم
سنیده آلدیلار آخر الیمدن ای علمداریم
کومک یوخ دشمنیم چوخ نه معینیم نه هواداریم
عَلَم یاتدی بئلیم سیندی داغیلدی لشگریم قارداش
.
.
یاران چوخدور ویرور گون تابشی زحمت حرارتدن
گئداخ دور خیمیه آسوده اول بیر لحظه زحمتدن
دئدی قارداش آپارما خیمیه ئولّم خجالتدن
قالوم قوی بوردا اولسون قانلی تپراق بستریم قارداش
.
.
الی بوش گئتماقا عفو ایله معذورم یوزوم یوخدور
سکینه سو دیه بالله جوابینده سوزوم یوخدور
یوزون گورجک وئرم جان بوندان اؤزگه آرزوم یوخدور
هزار افسوس قانیله دولوبدور گوزلریم قارداش
.
.
بویور گئت خیمگاهه منتظر دور عترت طاها
بویوردی من سنی بوحالیده یالقوز قویوم آیا
دئدی وئرمه خجالت من غلامم سن منه مولا
کنیز فاطمه فخریمدی اولسا مادریم قارداش
.
.
بو قانلی گوزلریمله اؤز الونله پاک قیل قانی
بویوردی اؤز گوزونده سن منی گور ای وفا کانی
دئدی آخر نفسدور ایسترم تسلیم ائدم جانی
بویوردی گئت دالونجا منده گلدیم یاوریم قارداش
.
.
یارالی نعشین عباسین چکوب میداندا آغوشه
یوزین قویدی یوزینه هر ایکی قارداش گئدوب هوشه
«حقیرا» حشر بازارینه الده قالسا بیر توشه
دیر قویما یانا نار جحیمه نوکریم قارداش
.
.
#عباسیه #حقیر_خویی
#عباسیه_شهادت
#یتیش_فریادیمه_ای_تاجداریم_سروریم_قارداش
#ترکی
#زبدةالاشعار

متن پیشنهادی:  هرماجرا جهاندا خدا امتحانیدی #مسلمیه_واصف_مرندی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی