درجلالت ومصیبت علیا مکرمه جناب حضرت زینب سلام الله علیها
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
گلمز بیانه یاران هرگز ملال زینب
یوخ بیر نفر بلاکش اولسون مثال زینب
.
.
بیر محترم عزیره بانوئیدی گرامی
حرمتده خلقه واجب کعبه تک احترامی
اسم عظیم حق تک گزلین عزیز نامی
دوتموشدی بو جهانی جاه و جلال زینب
.
.
دولت سرای پاک عصمتده فخر زهرا
فخر جناب زهرا جاه علیّ و اعلی
بیر نورودی منوّر جلد بشرده پیدا
معلولدی ولیکن علت خصال زینب
.
.
بیله عزیزه خاتون گورموبدی چشم افلاک
عاجز قالور بیانِ وصفینده وَهم ادراک
تطهیر آیه سینه داخل هر عیبیدن پاک
کامل دور هرگز اولماز نقض کمال زینب
.
.
گلمز بیانه وصفی مشکلدی چون بو مطلب
گون شرم ایدردی چخسون باشین آچاندا زینب
حیرتدیم نه گلدی بو احترامه یارب
کربُ بلاده اولدی برعکس حال زینب
.
.
قارداش گیدوب الیندن برهم اولوب جلالی
تالانه یتدی یکسر غارت اولوب منالی
آلام و درد و غمدن اولدی باشی بلالی
گونلر اوگونده گل تک سولدی جمال زینب
.
.
غارتده قویمیوبدی دشمن حجابین آلسون
معجر ویروب حرملر تا باشلارینا سالسون
بولمزدی درد الیندن آخر نه حاله قالسون
قالدی حسین یانندا فکر و خیال زینب
.
.
قارداش باشین جداده گون تک گوروب بدنسیز
گونلراوگونده عریان نعشی دوشوب کفنسیز
عرض ایلدی حسین جان ایلوم نه چاره سنسیز
دفن ایتمگه بو نعشون یوخدور مجال زینب
.
.
سن گون اوگونده عریان من ناقه اوسته حیران
قولدا طناب اسیرم ویرمز مجال عدوان
باشسیزجنازن اوسته بیرآغلیوم دویون جان
مرهم یاراوا اولسون اشک زلال زینب
.
.
یر یوخدی قلب ایونده آرتوخ اولوب ملالون
گیرم اوزوم بو درده دوزدوم گیدوب جلالون
ایتسون نچاره سنسیز باش سیز قالان عیالون
سن سیز نه نوعی گتسون شامه عیال زینب
.
.
غمناک بسدی یازما بو قصه قالدی شامه
گل شامه قیل تماشا حالات اهل شامه
صبح امید زینب دوندی او گونده شامه
شام اهلنون دلینده دوشدی مقال زینب
.
.
#زینبیه_غمناک_تبریزی
#زینبیه_شهادت #کوچ_کربلا
#گلمز_بیانه_یاران_هرگز_ملال_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید