غارت خیام
.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
یاتما قبریده کربلایه گل کربلاده غارتدی یا علی
اشقیا ووروب خیمه گاهه اود زینبه قیامتدی یا علی
.
.
اللرینده عریان قلج قویوب خیمه گاهه یوز فرقۀ عدو
غیظیله دوتوب دور خیمه نی چار سمتدن قوم کینه جو
سبقت ائیلیوب بیر بیره قوشون دولدوروب او صحرانی های هو
بولمورم قیامتدی واقعاً یا اونا علامتدی یا علی
.
.
بیر طرفدن اعدا قلجیلوب خیمه لر طنابین یاتور خیم
بیر طرفدن آخر دوتوبدی اود ظلموله یانور خیمه و حرم
بیر طرفده الغوث و الأمان سسلوری خواتین محترم
کربلاده یر گوگدن اود یاغور گون بوتون حرارتدی یا علی
.
.
شمس برج دین ائیلیوب کسوف باطن عالمنده وار انقلاب
شرمدن سالوب گرد و خاکدن پرده صورتینه بو آفتاب
شش جهات ظلمتده دور هله زینبین جمالنده وار نقاب
اهل بیته حشر عظیمدور اوزگه شور و وحشتدی یا علی
.
.
بیر بیره دگوبدور اوشاق بویوک اوج ائدوب سماواته غلغله
هر آنا باخور اوز بالاسینا قورخودان گورور آز قالور ئوله
تئز آلور قوجاقه بالاسینی یوز قویور همان حالیله چوله
چون گورور امام علیلدن قاچماقا اشارتدی یا علی
.
.
بعضی قیز یانا یانه ایستوری ائیلسون او اودّان اوزین کنار
هولیله ورورآتشه اوزین سختدور گورور بسکه وضع کار
باخمور اود دوتوب دامنی یانور ائیلوری گنه چولّلره فرار
هر یانا ولی یوز قویور گورور فرقۀ شقاوتدی یا علی
.
.
بعضی قیز بیر آز صبر ایدور گورور رشتۀ حرارت قولون کسور
خیمدن چخور یول تاپانموری آتلو آت پیاده یولون کسور
باشدا اللری ساق صولا قاچور گه دورور یولون ساق صولون کسور
یوز قویور گنه خیمیه طرف اوندا گور نه حالتدی یا علی
.
.
بعضیسی چیخور خیمه گاهدن حالتی پریشان و دل غمین
ایستوری قاچا هر یانا گورور نچّه سنگدل ائیلیوب کمین
یوز دوتوب نجف سمتنه دیور هارداسان بابا میر مؤمنین
اهل بیتوه گل حمایت ایت موقع حمایتدی یا علی
.
.
هرخانم که خرگاهدن چخور شوریله قویور باشه اللرین
همت تمامیله ساخلوری اللریله باشنده معجرین
ضرب تازیانیله قوم دون معجرین آلوللار او مضطرین
دولدوروب بلا دشتنی ستم ظلم بی نهایتدی یا علی
.
.
خیمه دن چخان که باخور گورور بیر ستمگر آدرینجا آت سالور
دیزلرین دوتور رعشه دل دوشور اضطرابه رفتاریدن قالور
آت دوشونده آتلو ورا ورا باشدان عاقبت معجرین آلور
امّت پیمبرده بولمورم بو نئجه جسارتدی یا علی
.
.
اهل بیت پیغمبر خدا ائیله ششدر غمده قالدی مات
اوز اوزین ایتور موشدی هولدن قیز گلین تمام مخدّرات
چاره سیز تاپان وقته بیر بیرین قورخودان قوجاقلار دیلار بنات
اهل بیتین آخر او ساعتی کیم بولور نه ساعتدی یا علی
.
.
آه او وقتدن یاندی خیمه لر چوللره داغلدی ستاره لر
جرأتیله یغمایه آچدی ال هم پیاده لر هم سواره لر
جبریله آلندی خمارلر گئتدی غارته گوشواره لر
ظلموله چوخ اوزلر آچوق قالوب چوخ قولاق جراحتدی یا علی
.
.
آت دوشونده از بس اوشاقلاری فرقۀ شقاوت قوور یورور
نه گلور دیزی نه قاچا بولور عاقبت قالور چاره سیز دورور
معجر اوسته چوخ کشمکش اولور تازیانه الده یتن ورور
ضرب قمچیدن نه گلین نه قیز نه حرم سلامتدی یا علی
.
.
یا علی گنه کارم «عاصیم» منده خیر عملدن نشانه یوخ
غرق بحر جرمم هامی بولور احتیاجی شرح و بیانه یوخ
بیر قاچان قولام آستانوه گلماقا الیمده بهانه یوخ
عذرومی قبول ائیلسن منه مایۀ سعادتدی یا علی
.
.
#غارت_خیام #عاصی_تبریزی
#یاتما_قبریده_کربلایه_گل_کربلاده_غارتدی_یا_علی
#ترکی
.
✍️ #زبدةالاشعار ✍️
.
🆔: @nohe_torki
نظر دهید