حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
حاج شفیع تفاخری
.
گل اباصلت قاپلاری باغلا یتوب آخر گونوم
قورتاریم عمروم گونی قالمیش فقط بوبیرگونوم
.
قلبیمه زهرجفا اود وردی یاندی لبلریم
زندگی آیینه سین سیندیردی یاندی لبلریم
رشته سینی عمریمون گل قیردی یاندی لبلریم
بیلمورم نه زهریدی فوراًمنی دیلدن سالوب
جذب اولوب اعضالریمه طاقتیم الدن آلوب
.
.
منزلی خلوت ائله قوی بیرائدیم راز ونیاز
خوشدی بوآخرنفسده ایلسم غربتده راز
محضرحقه گئدن ائتسون گرک سوز وگداز
کیم غریب ئولسه اونا چوخ التفات ایلرخدا
من غریب وبی کسم یوخدوریانیمدا اقربا
.
.
عرض ائدوب یاسیدی اولساگلن بومنزله
قاپلاری من باغلورام بلکه دوشن وارمشکله
دؤزمزاحبابون سنیلن دگمسه گردیل دیله
امرائدوب بوردا منیم یوخدی باجیم نه قارداشیم
نه قیزیم اوغلوم عیالیم یوخ نه یارویولداشیم
.
.
بیرده کیم گلسه گرک مهمانیمه اکرام ائدم
اهل درد،اهل نیازین قلبینی آرام ائدم
هرکیمون هرحاجتی اولساگرک اقدام ائدم
یوخ حالیم اگلشمگه شرمنده اولام گلسه لر
گراولار ناراحت اولسا منده اولام گلسه لر
.
.
باغلانوب قاپلاربویوردی حجت پروردگار
گل بومنزلدن اباصلت فرشلری ایله کنار
عرض قیلدی ای پیمبردن علیدن یادگار
امرووه قیلام اطاعت جمع ائدیم من فرشلری
یغدیرورسان هانسی منظوره بویورسن فرشلری
.
.
امرائدوب جدیم حسین صحراده یالقوزجان وئروب
هم غریب هم یاره لی عطشان اوغولسوزجان وئروب
بی کمک تپراقلاراوستونده آدامسیزجان وئروب
ایستورم منده بوگون تپراقلاراوسته جان وئرم
جدیمین اول حالینی عالملره اعلام وئرم
.
.
فرشی یغدیم من دئیورامره اطاعت ایلدیم
گوزلریم کور اولمادی بیرصحنه رؤیت ایلدیم
ببلمورم هئچ من نجه اول وقته طاقت ایلدیم
قلبینی آچدی اول پیچیده قیلدی تپراقا
اللی یول دوردی ایاق اوسته یخلدی تپراقا
.
.
لبلری گوردوم دگورچوخ بیربیره ایلور نوا
منتظرقالدیم دئدیم آیانه ایستور بوآقا
گوردوم آهسته دئیورتزگل بالا تزگل بالا
گل جوادیم سنسیزاوغلوم عرشه افغانیم چیخار
چوخ یوبانسون گورمرم من صورتون جانیم چیخار
.
.
گل منیم آخرنفسده باشیم اوسته آغلا سن
قلبیمین بیل دردینی چوخ آغلا سن دل داغلا سن
جان وئرنده بیرکسیم یوخ گوزلریمی باغلا سن
باغلیاندا گوزلریم جدیم حسینه قیل نوا
گوزلرینی باغلاسونلار قویمیوب اهل جفا
.
.
خردا قزلارایستدی گئتسون اولشکر قویمادی
گوزلرین باغلوردی عمم شمرکافر قویمادی
گلدی هرکیمسه نوایه اول ستمگرقویمادی
خواراولوبدور جدیمون یاسی گرک قان آغلیاق
ایلیک مظلوم حسینی دیلده عنوان آغلیاق
.
.
#رضویه_شهادت
#گل_اباصلت_قاپلاری_باغلا_یتوب_آخر_گونوم
#تفاخری_اردبیلی
#ترکی
.
✍️ #زبدةالاشعار✍️
.
🆔: @nohe_torki
نظر دهید