حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
مرحوم نادری میانجی
.
گل ملک خراساندا باجی اودلارا یاندیم
غربتده ایچوب زهری جگردن یارالاندیم
.
مشگلدی گلم من وطنه بیرده اینانما
قارداشون ئولور ای باجی یثربده دایانما
تعجیل ایله گل کشور ایرانه یوبانما
گل سن منه خاطر باجی ترک وطن ایله
بی چاره رضانی ئوز الونله کفن ایله
.
.
آدیمدی رضا هر نه بلا گلسه رضایم
هر قدر بلا اولسا خریدار بلایم
علت بودی معصومه غریب الغربایم
غربتده باجی سولدی گولوم دربدر اولدوم
زهرین اثرینده نجه گور خونجگر اولدوم
.
.
ایندی منیم احوالیمی بوردا بّلن اولماز
غربتده ئولن یانینه کیمسه گلن اولماز
غربتده ئولن چوخدی مینم تک ئولن اولماز
یوخدور آنا باجی نه قبیلم سراقیمدا
قان لخته لنوب زهر اثریندن دوداقیمدا
.
عمَّم کیمی ظلمیله رسن یوخدی قولوندا
نه شمر ساقوندا نه ده سعد اوغلی صولوندا
گل باجی خراسانه گوزوم قالدی یولوندا
زینب کیمی طی ایله باجی راه وفانی
گل یوخلاگیلان ملک خراساندا رضانی
.
.
اول د شت بلا ایچره جگر داغلادی زینب
جدیم یارالاندی نقدر آغلادی زینب
قارداش باشنون یاره سینی باغلادی زینب
گل سنده دوداقیمده اولان قانیمی پاک ائت
بیر دفعه گوروم من سنی گئتسون گینه قوی گئت
.
.
حق اوسته دوروب عمم او گون باطله باخدی
قارداش باشینون اوسته گلوب مقتله باخدی
خونین بدنه خنجریلن قاتله باخدی
اما باجی سن لخته جگر قان گوره جکسن
آغلار گوزیله یرده قوری جان گوره جکسن
.
.
مقتلده او گون لرزه سالوب گوگلره زینب
حول اولدی آتوب ال یاپوشوب خنجره زینب
جدیم بویوروب ساخلا سوزون محشره زینب
صبر ایله باجی قاتله یالوارما اماندور
گئت خیمیه قربان سنه قیزلار نگراندور
.
.
فکر ائتمه باجی قتلگهیم دشت بلادور
نه شمر و عمر وار نه بو یر کربو بلادور
قاتل منه مأمون ویرن زهر جفادور
قارداش وئره جان باجی سراپرده ده یاتماز
ایستکلی باجی غم گونی قارداشینی آتماز
.
.
غربتده ئولن نعشی قالار باجی اراده
یوخ تاب و توان نامه یازام ایندی جواده
بلکه بو خراساندا سالیدی منی یاده
پیغام ائدرم باد صبادن خبر اولماز
زحمتدی اگر زحمتون اوغلوم هدر اولماز
.
.
یاز نادری معصومه ده یوخ امر امامت
ممکن اولا بُلمز اونا چون طی مسافت
راوی سی اباصلت دیور: گوردوم او ساعت
بری تازه جوان دورموش اطاقین آراسیندا
قوینوندا الی گوزلری نالان باباسیندا
.
#سبک_ای_باد_صبا … 7 سبک
.
#رضویه_شهادت
#گل_ملک_خراساندا_باجی_اودلارا_یاندیم
#نادری
#ترکی
.
✍️ #زبدةالاشعار✍️
.
🆔: @nohe_torki
نظر دهید