زبدةالاشعار

گوندوزوم ویرانه یرده غصّه دن شبدور بابا #حضرت_رقیه_تائب_تبریزی

زبانحال رقیه خاتون خطاب به سر مبارک اباعبدالله
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم
.
مرحوم تائب تبریزی
.
گوندوزوم ویرانه یرده غصّه دن شبدور بابا
دویموشام جانه ز بس روحیم معذّبور بابا
فرقتونده باغمریقانم
دیده گریانم بابا
.
.
گل یوزومده رنگ آلیم سولمیوبدور بی سبب
گورموشم اهل جفادن بسکه آزار و تعب
اولموشام خسته داخی جانیمده واردی تاب و تب
مختلف آلام گوگلیمده مرکّبدور بابا
.
.
گه بابا سندن صورا دلن سالوب شیون منی
گه ووروب گاهی یخوبدور ناقه دن دشمن منی
گه دُؤیوب گه اینجیدوبدور شمر ذی الجوشن منی
ظلم دشمندن بو روحیم چوخ معذّبدور بابا
.
.
.
صرصر غمدن اگر چه گل جمالیم زرد اولوب
مونسیم بلبل کیمی بیر عمر آه سرد اولوب
درد هجرانون منه امّا بیوک بیر درد اولوب
غصّه دن معمورۂ صبریم مخرّبدور بابا
.
.
چوخ سُوَردون سن منی عالمده ای شاه زمن
بیر اوزون مدتدی گوزدن سالموسان آیا ندن
دویموسان یوخسا قزوندان گوزلرون قربانی من
یا بیر اوزگه سرّی وار بیلمم نه مطلبدور بابا
.
.
گلشن هجرونده من بیر پر شکسته بلبلم
آیریلاندان سندن اولموب بیر زمان هرگز گولم
قان اولوب باغریم فراقوندا یاخوندور من ئولم
قلبیمین قانیله گوز جامیم لبالبدور بابا
.
.
اولموشام بیر قالب بی روح روحیَّه م ئولوب
آغلیاندا هر زمان طعن ایلیوب دشمن گولوب
چکمیشم نه درد و غم بیر مهربان عمّم بولوب
حالیَم دلدن یانان عصمتلی زینبدور بابا
.
.
من بیله بیر ساعتی چوخدان ایدردیم آرزو
یتمیشم مقصودیمه آختاردقیم ساعتدی بو
بیرده اولدوم آخر عمریمده سنلن روبرو
منزلیم تشریفویله چرخ مرتّبدور بابا
.
.
ایتماقا باشون طواف اوّلده تصمیم ایتمیشم
باغلیوب احرام هر یرده دالینجا گئتمیشم
کعبۀ متصودیمه آخر بو یرده یتمیشم
خانۀ مقصد بو مأوای مُهَذَّبدور بابا
.
.
پیشوازون فرضیدی ای خسرو والانسب
چیخمادیم من پیشوازه اولدی گر سوء ادب
بو تصوّر خدمته ناخوشلیقیم اولدی سبب
یوخسا عالِم سن قزون چوخ چوخ مؤدّبدور بابا
.
.
ایمدی که بو فیض عظمادن منیم چیخدی الیم
باری بیر امره مجاز ایت زایل اولسون نسگلیم
زلفیمیله گرد راهی گل جمالوندان سیلیم
قالسا بو حسرت گوگلده درد اصعبدور بابا
.
.
من دیردیم بس ندن وصلى فراقه ساتموسان
یا نه علت وار بو نالانی نظردن آتموسان
ایمدی معلوم اولدی کیم سن کول لر اوسته یاتموسان
كوللره آلوده بو عارض بو غَبغَبدور بابا
.
.
اوزگه عالم گورسنور سنده عجب عالمدی بو
قوی دوروم بیر یوز گوزون اشگیمله ایلوم شست و شو
وار نه علت گورسنور دوتقون یوزون ای ماهرو
آی خسوف ایلوب و یا کیم اوّل شبدور بابا
.
.
گوزلرون قربانی من ای تاجدار انس و جان
هاردا شهلا گوزلرون سرشار ایدوبدور بیله قان
لبلرونده وار سنون آثار چوب خیزران
خط رخسارونده قانیله مُخَضَّبدور بابا
.
.
شاهزاده قارداشیم اكبر منی چوخ چوخ سُوَر
یاد ایدر هر دم من نالانی ساق اولسا اگر
نه گلور نه یاد ایدور نه گلماقیندان وار خبر
بولمورم هاردا گرفتار اول شكر لبدور بابا
.
.
بو اوشاقلار ایچره چوخ سالدون اشاقه باشیمی
ترک ایدوب گیتدون منی قان ایلدون گوز یاشیمی
اوز یانونجا لیک آپاردون سود امر قارداشیمی
اصغرون یوخسا سنه مندن مُقَرَّبدور بابا
.
.
فکریمه عباس عموم بیلمم ندن بس قالموری
سُوگلیدیم من اونا مدّتدی یاده سالموری
گلموری ویرانه یرده بیر قوجاقه آلموری
ابر غیبتده نولوب اول مه مُحَجَّبدور بابا
.
.
تائب ایستر هر ایکی دنیاده عالی احتشام
ایلیوب دامانیوه بو نیتیله اعتصام
بیر حسین آدیله آمالین ایدر حاصل تمام
اسم اعظمدور آدون حِرز مُجَرَّبدور بابا
.
.
.
#حضرت_رقیه_تائب_تبریزی
#حضرت_رقیه_شهادت
#گوندوزوم_ویرانه_یرده_غصه_دن_شبدور_بابا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای گوزل صحنی بهشتدن با صفا موسى الرّضا #رضویه_فریدی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی