زبدةالاشعار

ای گوزل صحنی بهشتدن با صفا موسى الرّضا #رضویه_فریدی

توسل و خطاب به محضر حضرت امام رضا (علیه السلام)

.
✍️ #زبدةالاشعار ✍️
.
🆔: @nohe_torki
.
حاج علی اصغر فریدی
.
ای گوزل صحنی بهشتدن با صفا موسى الرّضا
قبروه زوّاروین جانی فدا موسى الرّضا
.
عرش اعلادن مقدّسدور او قبر اطهرین
اوردا وار چون سن کیمی نور خدا موسی الرّضا
.
انبیاء و اولیا ایلر زیارت قبروی
فیض آلار اول بقعه دن شاه گدا موسى الرّضا
.
آستانیدن سنون هر گون گون ایستر کسب نور
ای حقیقتده اوزی شمس الضّحا موسى الرّضا
.
بیر طوافی قبروین افضلدی مینلر حجّدن
بوعقیدمدی خدایه آند اولا موسى الرّضا
.
اسم اعظم آختاران دوتسون گرک دامانوی
اسم اعظمدور همین اسم رضا موسی الرّضا
.
توپراقا ایتسن نظاره چشم لطفیلن اگر
تیره خاکی لطفون ایلر کیمیا موسى الرّضا
.
بولسه هر کیم کی امامی واجب الطاعه سنی
قبردن خرّم دورار روز جزا موسى الرّضا
.
هر مریضین کی کسیلسه هر طرفدن چاره سی
ایتمسه حتما آلار سندن شفا موسى الرّضا
.
هر شب جمعه سنه جدّین حسین مهمان گلر
مقدمی ط سی ایدر بیر کربلا موسى الرّضا
.
روز و شب گوزده مجسّمدور اوزین آگاه سن
اول رواق طاق و ایوان طلا موسى الرّضا
.
ایل گوگلوم ایستیری بیرده گلم پابوسیوه
دعوت ایله تیز سنی خیر النّسا موسی الرّضا
.
اوچ مکاندا سن گیدوب زوّاروی یاد ایلسن
ای محبت معدنی ای با وفا موسى الرّضا
.
جان وئرنده قبرده بیرده گلنده محشره
قویماسان گورسون اولار رنج انا موسی الرّضا
.
هر قریبین دولسا قلبی محنت و اندوهیله
قبروی گورسه اولار غمدن رها موسى الرّضا
.
اون بیر ذی القعده ده قویدون قدم بو عالمه
نور باران اولدی بو عرض و سما موسى الرّضا
.
لطف قیل ایسته گلاخ بیرده او قبر پاکیوه
اوردا بو نوع اولاخ پر سر صدا موسى الرّضا
.
هر بلا گلدی رضا اولدون دایاندون هر غمه
گوردی هر ظلمی سنه دشمن روا موسى الرّضا
.
حال مظلومیتین آرامیمى الدن آلور
ای شهیدِ کینه و زهر جفا موسی الرّضا
.
حیله و مکریله مامون ایلدی دعوت سنی
آغلادی هجرونده آل مصطفا موسى الرّضا
.
اهلبیتین دوره وی آلدى فغان و دادیله
دوتدولار اوردا سنه بزم عزا موسى الرّضا
.
آل طاهادن نجه آیرولدون ای سبط بنی
بیر اؤزون بولدون اونی بیرده خدا موسى الرّضا
.
گلدون آغلار گوزلی ایتدون جدّوین قبرین وداع
سالدی بو محنت سنی نه حاله یا موسی الرّضا
.
جان وئرنده اولمادی امّا یانوندا بیر نفر
حسرتیله گوزلرین باخدى یولا موسی الرّضا
.
ذکر ایدردون یالقیزام یا رب جوادیم گلمدی
دیده گریان هی دونر صاق و صولا موسى الرّضا
.
گلمدی بر کیمسه اما گلدی اوز اوغلون جواد
سینه سوزان دیده تر دلده نوا موسى الرّضا
.
صون نخسده قول بویون اولدوز قویوردوز یوز یوزه
بو غمه عالم یانار صبح و مسا موسى الرّضا
.
جان وئرنده آغلادون جدّین حسینون حالینه
هم سنه هم جدّیوه جانلار فدا موسی الرّضا
.
چوخ پوزار عصرین امامین روز و شب قان آغلادار
بو مصیبت بو اسفلی ماجرا موسی الرّضا
.
بو فریدی جان وئرنده لطف قیل باش اوسته گل
راضی اولما گوزلری یولدا قالا موسى الرّضا
.
.
#رضویه_فریدی
#رضویه_مدح
#ای_گوزل_صحنی_بهشتدن_باصفا_موسى_الرضا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بستر شهادتده یاتما دور مرتضانی یاندیرما فاطمه #فاطمیه_زلفی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی