شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #دلریش
.
یافاطمه بو غمده فغان شیعه لر ایلر
جاری یوزه گوز یاشینی شام و سحر ایلر
.
.
بیر شور دوشوب عالم امكانه بو غمدن
هر یرده اولوب چیده عزاخانه بو غمدن
دوشموش ولی احبابلرون قانه بو غمدن
الحق بو مصیبت هامینی خونجگر ایلر
.
.
منبرده مکرر بویوروب سید بطحا
بیر قطعه دی مندن بولون أی قوم بو زهرا
هر کیم بونی اینجیتسه منی اینجیدوب حقا
اوندان صورا بو امته باخ گور نه لر ایلر
.
.
بیر ظلم ائلدیلر اونا ياندوردی جهانی
فریاد او زماندان دایانوب قاپویه ثانی
یاندی قاپوسی سیندی قولی قالمادی جانی
هئچ بیر بئله ظلم ایلمز الا عمر ایلر
.
.
بو حالیده زینب باباسین ائتدی خبردار
في الفور چیخوب صحنه گوروب حیدر کرار
زهرا يخيلوب داخل اولوب صحنه او غدار
بیر یاندا دوروب ناله شبیر و شبر ایلر
.
.
بولدی او لعين آچمیه جاق أل شه مردان
سسلندی منیم گلدی مراميم اله یاران
امر ائتدی دوتون قوللارینی باغليون الآن
گرچه قلجی عالمی زیر و زبر ایلر
.
.
سالدی بو مصیبت یادیمه بیر غم دیگر
اوندا که گلوب خیمه لره غارته لشگر
محزون و حزین زار و ملول آل پیمبر
دورمیش او ستمگرلره بیر بیر نظر ایلر
.
.
لشگر داغيلوب عترت طاهانی سویوبلار
هر یانه گئدوب زینب كبرانی سویوبلار
گه تازه عروسی گھی لیلانی سویوبلار
بو ظلمی گورون كافره کافر مگر ایلر
.
.
بیر بیر داغيلوب چوللره خونین جگر اطفال
وحشتدن او صحراده اولوب دربدر اطفال
قالديلا او گون آج و سوسوز سربه سر اطفال
چون گوردیله ظلم اهل جفا سربه سر ایلر
.
.
بعضی سی دوتوب يوز نجفه ایلدی فریاد
یا شاه نجف گل ائله اولاديوه امداد
بو لشگر کین ظلمیده چوخ ائتديله بیداد
چوللرده عيالون نئجه گور دربدر ایلر
.
.
بعضی سی دیوب زینبه ای عمۀ مضطر
قورخوم بودی کی بیزلری ده ئولدوره لشگر
قالدوخ عجب آواره نه بیر یار و نه یاور
کافر اولا بو حال اونا عمه اثر ایلر
.
.
عاقل اودى بئل باغلاما دار فنایه
بیر توشه گرک جمع ائليه روز جزایه
هر کیم متوسل اولا بو آل عبايه
محشر گونی «دلریش» اونا مطلق نظر ایلر
.
.
#سبک_ای_باد_صبا … 7 سبک
.
#فاطمیه_شهادت
#یافاطمه_بو_غمده_فغان_شیعه_لر_ایلر
#ترکی
.
✍️ #زبدةالاشعار ✍️
.
🆔: @nohe_torki
نظر دهید