شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #دلریش
.
ایلر بو غمده شیعه لر شور و نوا یافاطمه
هر یرده قورمیشلار سنه بزم عزا یافاطمه
.
.
یوخ دلده یارا ایلیوم بو محنتی شرح و بیان
دوشدوكجه یاده ایلروخ بو غمده ناله هر زمان
ایلوب پیمبر امتین بو ماجرا چوخ باغریقان
آیا نئجه یاددان چیخار بو ماجرا یافاطمه
.
.
چون جان وئرنده مصطفا ائتدی وصیت امته
قرآنیلن اولادینی قویدی امانت امته
تاپشوردی اول حضرت سنی ساعت به ساعت امته
ائتدی عجب امتلری عهد و وفا یافاطمه
.
.
قویموبلا جدّوندن صورا راحت سنی هئچ اهل کین
اود ووردی یاندوردی قاپون ظلمیله ثانی لعین
سقط ایلدیلر محسنون شرم ائتمه دیلر مشرکین
ائتدیله بیحد ظلمیلر بیحد جفا یافاطمه
.
.
ائتموب کفایت بیر بئله ظلمه او بی شرم و حیا
باغلوب یدالله اللرین آیا روادور بو جفا
قول باغلی گئتسون مسجده عمامه سیز شیر خدا
دوتماز دلیم بو محنتی ایلوم ادا یافاطمه
.
.
بیر غم کشیده گلمیوب اصلا جهانه سن کیمین
گورموبدی بیر مظلومه نی چشم زمانه سن کیمین
اولموبدی تیر محنته هئچ کیم نشانه سن کیمین
عالملرین جانی سنه اولسون فدا یا فاطمه
.
.
آلدی گوگوللردن بو غم هر چند صبر و اختیار
تا جان وئرینجه آغلاروق بو غمده چون ابر بهار
طاق اولدی طاقت برملا مرغ گوگول دوتماز قرار
دوشدی خیاله زینب بختی قرا یافاطمه
.
.
گور ائتدیلر سندن صورا نه ظلم عدوان زینبه
هئچ استراحت اولمادی عالمده بیر آن زینبه
ماتم سنوندور غم سنون گل ایله افغان زینبه
چکموب بو قدری درد و غم هئچ بی نوا یافاطمه
.
.
کرب وبلاده کوفیان توکدی اونون گوز یاشینی
آلدیلا الدن بیر به بیر نئچه جوان قارداشینی
گوردی کسنده شمر دون تشنه حسینین باشینی
سسلردی هاردا قالمیسوز یا مصطفا یافاطمه
.
.
شام اهلی اوچ گون اوچ گئجه اولادون عطشان قویدیلار
سویدیلا اوغلون رختینی گل جسمین عریان قویدیلار
گونلر ائوینده نعشینی قانینه غلطان قویدیلار
بو ظلمی کافر کافره گورمز روا یافاطمه
.
.
باخدی فراته عترتون امدی عطشدن لبلرین
ئولدوردی اعدا زینبین مجموع یار و یاورین
باغلاندی آخر قوللاری آلدیله باشدان معجرین
اولدی اسیر کوفیان آل عبا یافاطمه
.
.
تا وار حیاتیم آغلارام بو محنت عظماده من
صرف ایلرم اوقاتیمی بو درگه والاده من
غرق گناهم ایسترم آزاده لوق عقباده من
ایله شفاعت «دلریشه» روز جزا یافاطمه
.
.
#سبک_ای_شاه_مظلومان_حسین … 5 سبک
.
.
#فاطمیه_شهادت
#ایلر_بو_غمده_شیعه_لر_شور_و_نوا_یافاطمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید