شهادت امام جعفر صادق علیه السلام
.
✍️ زبدة الاشعار ✍️
?: @nohe_torki
.
داود حیدری
.
یانورام نار غم و درد و بلادن آناجان
اورگیم اوتلانوری زهر جفادن آناجان
.
دلده گیزلین سوزی دلداده دییر دلبرینه
ایدر ابراز رعیت ، غمینی رهبرینه
هر اوغول اوز سوزونی عرض ائلیر مادرینه
دوتار اوغلون دیله اول مهر و وفادن آناجان
.
سن چکن درد و غمین بعضیسی یوز وئردی منه
یاندیریبلار قاپومی سن کیمی ای غملی ننه
سسلدیم ایوای آنا ، آغلامیشام اوندا سنه
یاندی قلبیم شرر خصم دغادن آناجان
.
غملی دل اولدی آنا تیر غم و درده هدف
باغلیوبلار قولومی همچو شهنشاه نجف
بی عبا چکدی عدو مجلس اغیاره طرف
ارث آپاردیم بو غمی شیر خدادن آناجان
.
بو قوجا سیدون اشرار آلوب طاقتینی
سیندیروبلار حق امامین آناجان حرمتینی
دشمنیم تند سواره ، چوخادیب سرعتینی
پیروی ایتدی او دون راه خطادن آناجان
.
مجلسینده ائلیوب ظلمینی منصور علنی
یاندیروبدی بو دل زاری محن انجمنی
ساخلیوبدور ایاق اوسته منی منصور دنی
دیزلریم تیتردی دوشموشدی قوادن آناجان
.
قتلیمه اوچ دفعه اول دشمنیم همت ایلدی
مجلسینده منی ئولدورما نیت ایلدی
منه جدیم ولی معناده حمایت ایلدی
ال چکوبدور او زمان شاه ولادن آناجان
.
آیری بیر نقشه چکوبدور منی مغموم ایلسون
عاقبت زهریله بو بی کسی مسموم ایلسون
ایستیوبدی او دنی عمریمی مختوم ایلسون
آز قالور رحلت ایدم دار فنادن آناجان
.
مشکله دوشموشم الان آناجان گرچه اوزوم
سوسوزومدان یانورام ، جدیمه آغلور بو گوزوم
کربلا یاده دوشوب سلب اولوب آرام و دوزوم
نینوا دولموشیدی غملی نوادن آناجان
.
شه یخیلمیشدی یارالی اونا یاور یوخیدی
قانه غلطانیدی جسمینده جراحت چوخیدی
سسلینده العطش عرض جوابی اوخیدی
او شهون گئچموشیدی دردی دوادن آناجان
.
گون اذیت ائلیوبدور یارالی پیکرینی
قان دوتوب شمر لعینون او زمان گوزلرینی
شاخه دن قیردی گولی ، آغلادوب او دلبرینی
یاندی گلزار ولا نار جفادن آناجان
.
(حیدری) یازدی اورک سوزلرینی دفترینه
خیر عملدن الی بوشدی یانور اوز ایشلرینه
صدق نیتله یازور توشه اولا محشرینه
خوفی وار نوکروین روز جزادن آناجان
.
#سبک_یارالی_جان_یارالی ( 4سبک)
.
#صادقیه_شهادت
#یانورام_نار_غم_و_درد_و_بلادن_آناجان
#داود_حیدری
#ترکی
.
✍️ #زبدةالاشعار ✍️
?: @nohe_torki
نظر دهید