مدح امام صادق (ع)
.
✍️ زبدة الاشعار ✍️
?: @nohe_torki
.
مرتضی اسکندری ( ساعد زنجانی)
.
من مست می عشقم ، صهبایه نیازیم یوخ
فخریم دی قرا کوینک ، دیبایه نیازیم یوخ
حیدردی منیم عشقیم ، عیسایه نیازیم یوخ
آویزه ی گوش ایله ، مندن بو گوزل پندی
دنیاده نه عزت وار ، اولاد علی دندی
.
بیر گون دیدی عماره ، پیغمبر خوش سیما
بیر یولدان اگر گیتسه ، مخلوق جهان یکجا
بیر آیری یولا گیتسه ، دامادیم علی تنها
جمعیتّه آلّانما ، دوز مطلبه آگاه اول
حیدر یولی دوز یولدی ، همراه یدالله اول
.
اولاد علی بیر بیر هر علمیده حاذقدی
هر تک تکی دنیاده محبوب خلایقدی
شیعه ولی مدیون دانشگه صادقدی
موسی که رسالتده ، هم صحبت داوردی
شک ایلمه شاگرد ، دانشگه جعفردی
.
دورت مین نفره مولا درس ادب ئورگتدی
هم فن بلاغت هم شور و طرب ئورگتدی
وحشی صفت اعرابه اصل و نسب ئورگتدی
توصیف مقامینده بسدور بو قوی مطلب
دشمن ده ایدور تایید یوخ شیعه کیمین مذهب
.
تاریخیده وار بیر گون یاتمیشدی غلام ایوده
اطرافیده اوینوردی اولاد امام ایوده
امر ایتدی گرک اولسون آرامش تام ایوده
کیمدور بو گوزل مولا وار کیمده بیله رهبر
ئوز نوکری خوش یاتسون آماده ایدور بستر
.
آتمش بش ایل عمر ایتدی سلطان ملک دربان
ئوز منزلین ایتموشدی دانشکده ی عرفان
سرتاسر عمرینده تفسیر ایلیوب قرآن
هرکیمده که وار حب ایمان اونا مدیوندی
مین ایل کیچور الآندا قرآن اونا مدیوندی
.
#صادقیه_مدح
#من_مست_می_عشقم_صهبایه_نیازیم_یوخ
#ساعد_زنجانی
#ترکی
.
✍️ #زبدةالاشعار ✍️
?: @nohe_torki
نظر دهید