جوشی جناب مسلم(ع)
.
✍️ #زبدةالاشعار ✍️
.
🆔: @nohe_torki
.
#سبک_ویرانه_ده_نازلو_بالام … #سبک_ای_غنچه_نیلوفریم
.
مرحوم نادری میانجی
.
یوخ کوفه اهلنده وفا گلمه حسین گلمه
مسلم سنه قربان اولا گلمه حسین گلمه
.
.
غمدور دیاری کوفه نون کان شقاوتدور
مردانه لقدن یوخ خبر اهلی عداوتدور
گلسون بو شهره قسمتون جام شهادتدور
ای مکه شاهی ای آقا گلمه حسین گلمه
.
.
گلمه اماندور کوفیه جانم سنه قربان
پیمان شکندور کوفیان ای شاه مظلومان
گر کوفیان منلن بو گون نقض ایتدیلر پیمان
من عهدیمه ایتدوم وفا گلمه حسین گلمه
.
.
شمشیرکین الده دوتوب دشمن یولون گوزلر
دروازه بان دروازه نون ساق و صولون گوزلر
بونلار اوزون قول آختارور سقا قولون گوزلر
تندن اولار قوللار جدا گلمه حسین گلمه
.
.
خنجر چکوبلر قتلوه آماده دور لشگر
گلسون اگر قولسوز قالار عباس نام آور
گلسون قلجلار دوغرانار ناکام علی اکبر
لیلا گلی قویما سولا گلمه حسین گلمه
.
.
بیر شهریدور سوداسی غم آرامشی طوفان
کوئی سراسر انقلاب سوئی بونون القان
گلسون ویراللار اصغرین حُلقومینه پیکان
قویما رباب آغلار قالا گلمه حسین گلمه
.
.
سن شمعسن دنیا سنون عشقونده پروانه
گلمه عراقه یا حسین ویرما شرر جانه
گلسون جوانلارون باتار ناحق قزلقانه
قاسم ياخار قاندان حنا گلمه حسین گلمه
.
.
نقشه چکوبلر قتلوه گور قوم لامذهب
درک ایتدیگوم بو ورطه دن واضحدی چون مطلب
ایستور اسیر اولسون بولار زهرا قیزی زینب
ای عالمه شمس و الضحا گلمه حسین گلمه
.
.
ایستوله ثانی تک بولار درگاهی یاندورسون
دینون تکامل چرخنی بونلاردا یاندورسون
آل علینی باش آچوق شهری دولاندورسون
ای مظهر نور خدا گلمه حسین گلمه
.
.
گلسون کنیز ایستر قیزون شامی امان گلمه
پیغمبری آغلار قویوب شاه جهان گلمه
آماده دورموش قتلوه شمر و سنان گلمه
ای خاتم آل عبا گلمه حسین گلمه
.
.
تسلیم اولوبدور کوفیان چون آل سفیانه
فرمانده کوفه اولوب فرزند مرجانه
گلسون اگر قیزلاریوه مسکندی ویرانه
پیکیم اولوب باد صبا گلمه حسین گلمه
.
.
یاز نادری قالدی او گون بی اقربا مسلم
قصابلر کوبنده چوخ چکدی جفا مسلم
آخر حجازه یوز دوتوب ایتدی ندا مسلم
یوخ کوفه اهلنده وفا گلمه حسین گلمه
.
.
#یوخ_کوفه_اهلنده_وفا_گلمه_حسین_گلمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید