شهادت حضرت امام صادق علیه السلام
.
✍️ زبدة الاشعار ✍️
?: @nohe_torki
.
حاج رضا محمدی ( ولایی )
.
آغلیر غمونده عالم
مولا امام صادق
یرگوی دوتوبدی ماتم
مولا امام صادق
.
هجرونده کون وامکان
یکسر گیوبدی قاره
اهل ولانین اولموش
بوغمده قلبی یاره
گون گوئیا دوتولموش
طوفان قوپوب دوباره
گویا اولوب محرم
مولا امام صادق
.
ای حجت تعالی
خلاق کبریایه
قسمتدی بیله گویا
اولاد مصطفایه
اولسونلا بوجهاندا
مونس غم ونوایه
گورسونله غم دمادم
مولا امام صادق
.
تاریخیده بو نوعی
اهل خبر دیوبلر
ظلم اهلی نچه دفعه
درگاهون اوتلیوبلر
شرم ایلورم دیئم کی
اعدا سنی دویوبلر
یاندی بوغمده سینم
مولا امام صادق
.
راوی دیور واریدوم
گوردوم ئوزوم اوساعت
شعله چکوب یانیردی
صحن وسرای عصمت
اوتدا گزوب دیوردی
آگاه اولون جماعت
من زاده خلیلم
مولا امام صادق
.
ائتدی بئله جنایت
منصور ظالم وشوم
جبرا سنی عداوت
زهریله ائتدی مسموم
یاس دوتماقا انوبلر
بطحایه زار ومغموم
گویدن مسیح وخاتم
مولا امام صادق
.
ائتدی شرنگ کینه
تاپیکروندا تاثیر
درک شهادته جک
چوخ اولمیوبدی تاخیر
تحلیله گیدی جسمون
اولدون جهانیدن سیر
جانون اوچوبدی نم نم
مولاامام صادق
.
سن هرگون آغلیاردون
سلطان کربلایه
اما بوگون او مولا
گلمیش اوزی نوایه
همناله دور علی و
زهرا و مجتبایه
آغلار دیوله باهم
مولاامام صادق
.
قبرون بقیعده بس کی
پوزقوندی یابن زهرا
محزون ائدر غم اهلین
اول وادی غم افزا
گلسه اورا (ولایی)
سسلر ئورکدن آقا
بوقبروه فدایم
مولا امام صادق
.
#سبک_احوالیمیز_یاماندی (10 سبک)
.
#صادقیه_شهادت
#آغلیر_غمونده_عالم
#محمدی_ولایی
#ترکی
.
✍️ #زبدةالاشعار ✍️
?: @nohe_torki
نظر دهید