زبدةالاشعار

آغلیون ام البنینه بی بنین دور جان ویرور #حضرت_ام_البنین_عدلی_تبریزی

درسوگ حضرت ام‌البنین علیها سلام
.
.
اصغر فرشچی ( عدلی تبریزی)
.
.
آغلیون ام البنینه بی بنین دور جان ویرور
صحنۀ چشمینده گویا دوت بالاسی سان ویرور
.
بوهمان فاطمه دی اُمُّ الادب اُمُّ الوَفا
بوهمان اُمُّ الاَبولفضلِ شهید کربلا
.
بوهمان همسنگر حیدرامیرالمومنین
همسرشیرخدا بنت حزام اُمُّ البنین
.
بوهماندی غم دلینده آشیانه ایلیوب
شاه دینه آغلیوب اوغلون بهانه ایلیوب
.
گلستان دینیده اوچ نسترن بیریاسی وار
جعفریله عون و فضل و حضرت عباسی وار
.
اورگدوب گهوارده هردوردونه جانبازلیقی
هر فنون جنگی و میدانیده سربازلیقی
.
صود ویروب عباسینه شیراوغلونا شیرسسلیوب
شیریدن شیر بسلنر باب الحوائچ بسلیوب
.
بواو دور دورد اولدوزون بیرگونده وقف ماه ایدوب
فاطمه اوغلی حسینه دوت بالا همراه ایدوب
.
جانویرودی یاد ایدوب بیردم شهید عباسینی
فکر ایدردی قانلی میدان کربلا صحراسینی
.
بولمورم امـّا دیوللراولدی عبّاسون فـدا
قوللارین هم ساغ گوزون ایلوبدی تقدیم خدا
.
کربلاده اولمادیم اوردا گوریدیم برمَلا
هانسی ملعون قوللارین ایلوبدی پیکردن جدا
.
اندیروب نوفل باشیندان بیرعمود آهنین
ساغ گوزوندن اوخ دگنده اولموسان خونین جَبین
.
کربلاده اولمادیم اصغر توکنده گوز یاشین
بیرچوخوریرده تاپاندا زینبی اوزقارداشین
.
کربلاده اولمادیم خجلت زده سقّا گورم
قوللاری باغلی قماطه صود امربی ما گورم
.
نازنین عباس من دین گلشنینده گل یاس
دوتموشام گرچه اوغول سن تک گله من بزم یاس
.
مجلسی ایتدیم بهانه من حسینه آغلادیم
ثاری ثارالله اولانه سینه غمدن داغلادیم
.
آغلیوب زینب منیله یدی قارداشی اولن
گوئیا قالموشدی زهرانون بالاسی بی کفن
.
سن فدا اولدون حسینه من عزادار حسین
گوزیاشیله اولموشام منده خریدار حسین
.
جان یتوبدی سینمه‌ گل حسرتم دیداریوه
گل منیله بیردانش قربان گوزل گفتاریوه
.
سن اوغول باب الحوائجسن منه درمان ایله
اولماسام درمان اولم گر دفنیمی اَلان ایله
.
گورمدیم کرب ‌و‌بلانی یتمدیم کامه اوغول
ایلدیم دردوغمی جسمیمده بیرجامه اوغول
.
باشدا قاره معجریم وار من سیه پوش اولموشام
گل لریم سولدی چمنده من ده گل تک سولموشام
.
نوحه یازدون (عدلی) سنده قاره باغلا باشیوه
یازدوروبلار یازموسان سن یازمادون اوزباشیوه
.
.
#حضرت_ام_البنین #عدلی_تبریزی #ترکی #زبدةالاشعار

این متن را هم بخوانید:  مسموم اولوبدی ظلمیله شاه خراسان #رضویه #رضوی_زنجانی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters

Filter by Custom Post Type

دسته بندی درختی