آلوسان خبر ندور علتی چوخالوب غم و کدریم بالا #عباسیه_انور_اردبیلی

در شهادت حضرت ابوالفضل
سوال جواب امام علیه السلام با رقیه علیها السلام
..
..
..
..
..
#سبک_بالام_آغلاما_گلوم_آغلاما … سن آت اوسته پای پیاده من … دولانور علی قزی مقتلی …
..
..
..
..
مرحوم انور اردبیلی
..
..
..
آلوسان خبر ندور علتی چوخالوب غم و کدریم بالا
عموون قولون قلم ایتدولر داخی قالمادی کسریم بالا
..
..
..
..
آتامیلا دشمن اولان قوشون منیله عداوته چخدیلار
علی اکبریمی شهید ایدوب دل ختمی مرسلی سخدیلار
سوزی پرده سیز سنه کشف ایدوم سورمون قوچون یره یخدیلار
الى بیلده خیمیه گلمیشم سیزه واردی غم خبریم بالا
..
..
..
..
عجله چوخ ایتمه یورولمشام گلورم خیامه یاواش یاواش
یری واردی بزم عزاقوروب توکه سوز عُذاروزه قانلویاش
ایله ناگرانیدى قارداشیم خبر آلدی هاموز باش به باش
سنه نوبه یتجگین آغلادی او جوان خوش سیریم بالا
..
..
..
..
سن عزیزه بیر قزیدون انیس ایلدی فلک قره معجره
سو سوزون دانشما عجالتاً آپاروب سو جامنی قوی یره
عموون یولونی گوزتلمه گله خیمه ده سنه سو ویره
دوتوسان الونده سو جامی من باخورام یانور جگریم بالا
..
..
..
..
یری واردی عرصۀ قتلده أوزومی بو حالته سالموشام
قوجالور کیمون ئوله قارداشی او دلیله منده قوجالمشام
او یارالی باش که قوجاقی مه خبروز یوخوزدى من آلمشام
نقدر ساغام یوزومه گرک توکله سرشک تریم بالا
..
..
..
..
یخلوبدی قصر جلالتوز دوزلن دگل داخی پایه سی
بو علم که شقه سی قانلدور یازولوب بونا ظفر آیه سی
سالوب اهتزازیدن اشقیا بباوزا چتین دوشه سایه سی
عموون ایشین گوره چوخ چتین اگر اولسا مین نفریم بالا
..
..
..
..
چیخادوب مدینه دن ایلدیم بلورم جلای وطن سیزی
چوخ اوزاق منازلی طی ایدوب دله گتدی دشت و دمن سیزی
اوز ایومده قویمادیلار قالام اودی سالمشام چوله من سیزی
سیزه خوش باغشلامادی بلی خطر اولدی بو سفریم بالا
..
..
..
..
ایلیوبدی کوفه لیلر اوخا آتامون نشانه سنی نشان
پری یوخ همایه شبیه دی سو کنارین ایلدی آشیان
قوجاقمدا ممکنیم اولمادی گتورم خیامه گلن زمان
نجه یانماسون اورگیم منیم نجه سنماسون کمریم بالا
..
..
..
..
منه گوردی کوفه لیلر گلور یوزه سیلی اشکنی باغلادی
قولی اولمادی سالا بوینوما اوره گیمی آهله داغلادی
ایلدی اشاره سو مشکنه سوسوز اهل بیتمه آغلادی
خبری واریدی امور لبین بشیگینده صود امریم بالا
..
..
..
..
یتیشوبدی بدریمیزه خطر آخاجاق بو چولده ستاره مز
اور گیم دولوب چاغور عمه وی دانشاق گورک ندی چارمز
علمی گتورسون او مشکی من الیمیزده اولسون اشاره مز
فقط آغلا قدّی خمیده یه بلوسن منیم نظریم بالا
..
..
..
..
..
..
#عباسیه #انور_اردبیلی #عباسیه_شهادت #ترکی #زبدةالاشعار