زبدةالاشعار

گلون ای شیعه ائداخ ناله غریبانه بوگون #رضویه_دلریش

شهادت امام رضا (ع)
.
✍️ زبدة الاشعار ✍️
.
🆔: @nohe_torki
.
مرحوم دلریش
.
گلون ای شیعه ائداخ ناله غریبانه بوگون
ساخلیاخ تعزیه سلطان خراسانه بوگون
یاغریب الغربا
یامعین الضعفا
یا انیس الفقرا
.
.
واردی بو رسم ازلدن اولوب عالمده قرار
بیریسی جان وئره غربتده اولور ماتمی خوار
اولا اخلاصیله هر کیمسه اونا تعزیه دار
یتورور دردینی بی شبهه او درمانه بوگون
.
.
منی قویمیش بو مصیبت عجبا حیرتده
ندی سری وئرو جان اهل ولا غربتده
طاق اولوب شیعه لرین طاقتی بو محنتده
یاناروق شمع مصیبتده چو پروانه بوگون
.
.
قوردی بیر بزم عنادیله او مأمون لعین
زهریله پاره جگر ائتدی سنی از ره کین
ارث اولوبدور بو شهادت سیزه ای سرور دین
سنده بو نوعیله جان وئردون او جانانه بوگون
.
.
آلدی بو نسگلون احبابدن هرچند شکیب
جان وئرن وقتده أوغلون سنه اولمیشدی حبیب
دوشدی بو واقعه دن یادیمه بیر اوزگه غریب
آغلاروق هم سنه هم شاه شهیدانه بوگون
.
.
آه او وقتدن شه لب تشنه نین اول قوم ظلام
کسدیله باشینی ظلمیله اولوب امری تمام
توکولوب خیمه لره غارت ایچون لشگر شام
حکم ائدوب شمر آچون آل هامی نالانه بوگون
.
.
آهو تک عترت طاهانی هراسان ائلیون
نار نمرودی بو صحراده نمایان ائلیون
اود ووروب خیمه و خرگاهینی سوزان ائلیون
یانا اطفال حسین آتش سوزانه بوگون
.
.
بو جفا زینب کبرانی قویوب آواره
گوردی چاره کسیلوب عرض ائلدی بیماره
ندی تکلیف بویور عترت بی غمخواره
قاچسون اطفاله بویور عمه بیابانه بوگون
.
«دلریشا» واردی حیاتون نقدر دنیاده
نوحه یاز آغلا حسینه بو غم عظماده
بیر عجب تحفه دی گوز یاشی صف عقباده
تاپار اجرین گله هر کیمسیه افغانه بوگون
.
.

متن پیشنهادی:  ایتدون فلک نه ظلملر اظهار کوفه ده #کوفه_عاصی_تبریزی

#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و …
.
.
#رضویه_شهادت
#گلون_ای_شیعه_ائداخ_ناله_غریبانه_بو_گون
#دلریش
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی