آچلدی صبح عاشورا الهی #عاشورا_خائف_تبریزی

صبح عاشورا
#عاشورا_گونی
..
..
..
..
مرحوم خائف تبریزی
..
..
..
..
آچلدی صبح عاشورا الهی
قورولدی محشر کبرا الهی
..
..
..
..
حسین اقدام ایدوب عالی مرامه
ازلکی عهدینی ویرسون تمامه
دوزوب قربانلارین تک تک نظامه
منای عشقده یکجا الهی
..
..
..
..
باخوب لیلا علی اکبرینه
جمال حُسنده پیغمبرینه
جگر قانین قاتوب اشگ ترینه
الولاندی دل لیلا الهی
..
..
..
..
یاغوب غم بارشی اول سرزمینه
اوجالدی آه غم عرش برینه
یانوب هر بیر آنا اوز دلبرینه
ویروب یوز محنت عظما الهی
..
..
..
..
ووراندا طبل جنگی قوم اعدا
خانملار تیتردی چون بید آسا
سارالدى سولدی گل تک آل طاها
اولوب بیر حال غم فرسا الهی
..
..
..
..
آلوب قرآن اله قرآن ناطق
او قومه ایلدی کشف حقایق
کلام حق اولونموب کفره فایق
مؤثر اولمادی اصلا الهی
..
..
..
..
او وقته زادۀ وقاص نادان
امامه بیر اوخ آتدی تخم شیطان
یارالاندى وجودی آچدى آلقان
بویاندى قانه مه سیما الهی
..
..
..
..
بو یرده قلب زاریم گلدی درده
اولوب بیر جنگ مغلوبه او یرده
یارالاندی خانملار خیمه لرده
دولوب سرعتله اول صحرا الهی
..
..
..
..
او دعواده بویاندی قانه احباب
توکولدی توپراقا بیر عده اصحاب
نجه اصحاب تک تک درّ نایاب
تمامی عالم دانا الهی
..
..
..
..
الهی خائفه رحم ایله یاندی
اولور قرخ ایل که دائم باغرى قاندی
فلاکت عالمی بار گراندی
اوزون عالم سن ای یکتا الهی
..
..
..
#عاشورا #خائف_تبریزی #ترکی #زبدةالاشعار