در مدح و شجاعت حضرت امیرالمومنین علیه السلام
.
✍️ زبدة الاشعار ✍️
?: @nohe_torki
.
محمد علی مصیبی تبریزی
.
کیمدی احرار جهانه مقتدا الّا علی
کیمدی مصداق کلام قل کَفی الّا علی
.
.
کیمدی سرمست شراب عشق جام کعبه ده
کیمدی بت سیندیردی اعزازیله بام کعبه ده
آچدی گوز کیم دار دنیایه مقام کعبه ده
کیمدی مسجدده ایچن جام لقا الّا علی
.
.
کیمدی حُبّ احمدیله قاب قوسینه چاتان
کیمدی پیغمبر فراشینده رشادتله یاتان
یرمی بش ایل ئوز مقام ومنصبین گوزدن آتان
کیمسه ائتمز بو مقامه اعتنا الّا علی
.
.
کیمدی طَیّ الارضیلن بیر شبده قرخ منزل گزن
تشت پرخون بلاده کیمدی حیدر تک ئوزن
کیمدی دُرج عشقه اون بیر دُرّ غلتانی دوزن
کیمدی لایق شأنینه خیرالنسا الّا علی
.
.
مطمئنناً گلمسِیدی دهره ختم الانبیا
یا قرار اولسیدی بیر آیری کس اولسون مقتدا
گر روا بولسن بو حرفی حقینی ایله ادا
کیمدی پیغمبرلیقا اولسون سزا الّا علی
.
.
کیمدی کفر و باطلین بنیانینون ویرانگری
کیمدی کشتیِّ زمین و نه سمانین لنگری
بدر و خندقده کیم اولدی احمدین همسنگری
کیمسه دور فرماندۀ کلّ قوا الّا علی
.
.
جنگ خندقده گلنده عَمْرِ ملعون مقتله
گوردی پیغمبرکی دوشدی لشکر ایچره ولوله
امر ائدوبدور ذوالفقارین مرتضی آلسون اله
کیمدی حزبُ الّلهیده رزم آشنا الّا علی
.
.
وُردی بیرضربت سالوب آتدان حریفین،شهریار
ایله بیر ضربت کی ائتدی باطلی حقدن کنار
هاتف غیبی دیوب لاسَیف الّا ذوالفقار
سسلنوب نه طاقِ عالم لافتی الّا علی
.
.
فتح خیبرده دوشوب تا وقفه کار لشکره
زادۀ خطّاب گلدی محضر پیغمبره
پرچمی آلسون اله بیر حمله چکسون خیبره
بیلمیوب اولماز او گون صاحب لوا الّا علی
.
.
ائتدی فرمایش پیمبر ؛ تابعِ امر اولگیلن
حکمْ الهی حکم دور ، پرده گوزوندن سیلگیلن
حق دیوبدور فاتح خیبر کیم اولسون بولگیلن
یئر یوزونده یوخدی بیر خیبرگشا الّا علی
.
.
وار علاوه ، خیبرین بیر فارِسِ نام آوری
مرحب آدیندا بوتون یَلْ یَلْ لرین غارتگری
تا او آتدان دوشمیوب کیم فتح ائدنمز خیبری
مرحبی آتدان سالانماز توپراقا الّا علی
.
.
گئتدی معراجه او گونکی تاجدار هل اتی
گوردی گویلردن ندا گلدی ؛ تفضّل مصطفی
سس نه سس بس دلربا طاهاایچون چوخ آشنا
فکرینی هر کیمسه دن ائتدی رها الّا علی
.
.
جبرئیله سویله دی بیر سس گلور دلبر سسی
حق دانیشماز،کیمدی بو؟پاسخ وئروب یاورسسی
سؤز خدانین دی پیمبر سس ولی حیدر سسی
کیمسه چاتماز بو مقامه مطلقا الّا علی
.
.
قالدی بیم و خوفیده گویلرده ختم الانبیا
دست حق آناً دایاندی کتفینه آرام اولا
باخ مقامه کعبه ده ضربت ووراندا بتلارا
کیم همان کتف رسوله قویدی پا الّا علی
.
.
مرتضی دور بعدِ پیغمبر صراط المستقیم
مفخر یاسین و الرَّحمن و قرآنِ الحکیم
امتثال باءِ بسمِ اللهِ رحمن الرَّحیم
کیمدی شان آیۀ قل انّما الّا علی
.
.
کیمدی عالمده بیزیم مولایه تک دردآشنا
چاره سیزمشکللره گورکیمسه دورمشکل گشا
درده دوشسن عشقیلن بیر یول دئنن یامرتضی
شیعه نین دردین مگر ایلر دوا الّا علی
.
.
ای «مصیّب» یاز ولایت لوحینه با افتخار
اوچ نفر نامرد ، ناحقّ اولدی خلقه تاجدار
مطمئنناً خاک پای حیدر اولمازلار اولار
کیمدی فَخرالتّاجِ ارض و نه سما الّا علی
#حیدریه_مدح
#حیدریه_شجاعت
#کیمدی_احرار_جهانه_مقتدا_الا_علی
#مصیبی_تبریزی
#ترکی
✍️ #زبدةالاشعار ✍️
?: @nohe_torki
نظر دهید