حالات وداع و به آب رفتن حضرت ابوالفضل (ع)
..
..
..
..
مرحوم انور اردبیلی
..
..
..
..
اذن آلدی فراته گیده عباسی حسینون
لب تشنه لره سو وئره سقاسى حسینون
..
..
..
..
اطفال و حرم اولدی بو جریانه خبردار
ایستور گیده پرچم ورا نهر اوسته علمدار
ترک ائتدی خیامی نقدر خورداجا قز وار
صف چکدی او سردارون عطش لر قاباقندا
بیر عده دایاندی قره معجر قاباقندا
..
..
..
..
بلبل کیمی گلدی دیله طفلان لب عطشان
یاندوق بیزه هیچ فکر ایلمورسن سنه قربان
بیر مشک سو اللهه گوره قیل بیزه احسان
سو پایلاماقا دلده سنون کی هوسون وار
خوش نیتوون اوسته چالش تا نفسون وار
..
..
..
..
عزتله گتوردون بیزی سن کرب و بلایه
سالدون باشمیز اوستنه هر نقطه ده سایه
دوزمزدون اوشاقلار گله هیچ آه و نوایه
شخصاً بالا قزلاره ئوزون باش یتوروردون
هر قز سوسوز اولسیدی اونا سو گتوروردون
..
..
..
..
سنکه بیزی ایستوردون عمو چوخ چوخ ئوزوندن
دلخوشلوق ایدردوک او محبتلی سوزوندن
سالدون نیه ایستکلی اوشاقلاری گوزوندن
لطف ایله سوسوزلاره سوسوز اصغره خاطر
اعضاسی عبایه بوکولن اکبره خاطر
..
..
..
..
محنت اوخی هر لحظه وروب یاره ربابه
دنیا قفس اولموش او گونی قاره ربابه
بیچاره دی بیر فکر ایله بیچاره ربابه
بخت اولدوزی محنتلی مدارینده سوزوبدی
مایوس اوتوروبدی بالاسیندان ال أوزوبدی
..
..
..
..
هر دیلسیز اوشاق آغلاسا واضحدی صود ایستر
صود اولماسا یاتماز آناسین خونجگر ایلر
صبحه کیمی هیچ بو گیجه گوز یوممیوب اصغر
جان اوسته دى مخیمده ربابون قوجاقندا
یانمش دیلینی گزدورور عطشان دوداقندا
..
..
..
..
عباس او پر آشفته کبوترلره باخدى
اللرده سو جامین أئلدی منظره باخدی
شرم ایلدی قزلاردان اوتاندی یره باخدى
یوز دوتدی سمایه صورا بو صحبتی ائتدی
گور آلعبانون ایشی یارب هارا یتدی
..
..
..
..
لب تشنه لره رأفتیله ایلدی اظهار
عباس هله ساقدی بو چولده نه غموز وار
قویماز سیزی بو مهلکه ده زار و گرفتار
سیز دامن زهرایه ورون چنگ توسل
من نهر فراته گیدوم اللهه توکل
..
..
..
..
سو مشکین آلوب سرعتیله چگننه سالدى
بیر سوز دیدی لب تشنه لرون رنگی سارالدی
گیتسک منیله گلمگیم اقبالوزه قالدی
واقفسوز ئوزوز همّت و رحم و کرمیمدن
هیچ کیم آیرانماز منی مشک و علمیمدن
..
..
..
..
محکمدی سوزوم مطمئنم بسکه ئوزومدن
مین یاره دگه قاچمارام عالمده سوزومدن
دوشسه بو اوزون قوللاریم اوخ دگسه گوزومدن
مشکیمده سویوم قالسا یخلسامدا دوزلّم
دیداروزه واللهى سویون عشقینه گلّم
..
..
..
..
آیریلدی اوشاقلاردان او صدّیق طبیعت
آغلار بأجیلاریلا ایدوب مجلسی خلوت
یعنی ایلدی زینب و کلثومیله صحبت
عباس گیدور موسم هجران یتیشوبدور
جنگ ائتمگه شهدن منه فرمان یتیشوبدور
..
..
..
..
امکان أمان یوخ نه قضا و نه قدرده
عباسوزه شاید خطر اولدی بو سفرده
بو نچه سوزی ساخلیون البته نظرده
درد دلیمی مطلبیمی خوشدی ایشیتسوز
منتدی منیم خواهشیمه سیز عمل ائتسوز
..
..
..
..
صیاد اجل گر منی توش ایلسه دامه
میدانیدن ادرکنی سسیم گلسه خیامه
سیز خیمه ده مرکب گتورون فورى أمامه
همت ایلیرسوز صول و صاقینده دورارسوز
قالخاندا رکاب اوسته قولوندان یاپوشارسوز
..
..
..
..
بیرده سیزیچون قسمت اگر اولسا مدینه
حرمت ایلیون اوغلى ئولن ام بنینه
قویمون یتوره ناله سینی عرش برینه
خوشدور او قرا بخت آنامون دادینه یتسوز
خوشدور یغشوب هفته ده بیر یول بیزه گتسوز
..
..
..
..
رکنی پوزولان ایوده قالارسوز منه خاطر
عبداللهی آغوشه آلارسوز منه خاطر
قول بویننا حرمتله سالارسوز منه خاطر
پرورده ائدون مهر و محبت قوجاقندا
سیندیرمیون اصلا اونی تای توش قاباقندا
..
..
..
..
نه بزم عزایه اونی نه یاسه قویارسوز
قیمت چمنوزده او گل یاسه قویارسوز
نازینی چکوب منتین عباسه قویارسوز
اولماز سیزه چوخ زحمتی دردانه دگل که
ئوز نوکروزون اوغلیدی بیگانه دگل که
..
..
..
..
تأثیر ائلدی زینب علیایه بو صحبت
یاندیرما دئدی قلبیمی ای کان کرامت
سنسن بیزه سرمایۀ امید و سعادت
سن عزتیمیزسن گوزومیز واردی گوزونده
ایستکلیدی آل اللهه أوغلوندا ئوزونده
..
..
..
..
..
..
..
..
زهرا قزی رفتاروه کرداروه قربان
شیرین سوزوه لحنوه گفتاروه قربان
سال قوللاروی بوینوما قوللاروه قربان
آلنوندان اوپوم جام محبت دولا قارداش
قوی من دولانوم باشوه سن دوش یولا قارداش
..
..
..
..
غملنمه آماندی آنوون درد و غمیندن
اولما نگران خوردا بالوندان حرموندن
قربان گوزوه گوزله الوندن علموندن
یخسا سنی فاتحدى یقین آل امیه
آهو کیمی چوللرده یانار نازلی رقیه
..
..
..
..
چوخدور غمی یوخ طاقت حسین قارداشیمزدا
اسرار محن واردی آخان گوز یاشیمزدا
همت ائله شاید قالا معجر باشیمزدا
تلّ اوستونه ال باشدا چخوب قاشمیا زینب
رخساره توکوب زلفنی باش آشمیا زینب
..
..
..
..
#عباسیه #انور_اردبیلی #عباسیه_شهادت #ترکی #زبدةالاشعار
نظر دهید