نه گجه وار نه گونوز استراحتیم قارداش #راه_شام_حقیر_خویی

زبانحال حضرت سکینه(س)در راه شام
.
✍️ زبدة الاشعار ✍️
.
?: @nohe_torki
.
مرحوم میرزا عبدالوهاب حقیر خویی
.
نه گجه وار نه گونوز استراحتیم قارداش
نه قالدی تاب و توانایه طاقتیم قارداش
.
نه شمر اوتاندی جفادن نه رحمه گلدی سَنان
نه ناله قلبینه تأثیر ائدر نه آه و فغان
.
نه یول توکندی نه عمریم بو یولدا اولدی تمام
نه ممکن اولدی منه لحظه ای دوتام آرام
.
نه ال چکر ستمیندن یو قوم سنگین دل
نه عمر باشه یتشدی نه آخره منزل
.
گهی پیاده گهی ناقه اوسته یول گئدرم
تعجّبم نجه بو زحمته دوام ائدرم
.
ملامت ایلمه ازبس اورک گلوب تنگه
ائدر شراره ی آهیم اثر دل سنگه
.
ولی بو سنگدله نالم ایلمز تأثیر
نه حدّی واریدی شمرین وورا منه زنجیر
.
طناب طرّه لرین گر قولوما اولمیا قید
اؤلورمی روبَه الینده حرم غزاله سی صید
.
دالینجا هر یره گتسن پیاده گلملیم
خرابه ده بئله معلوم اولور که قالمالیام
.
سلوک سیرده ارباب عشقه مشقدی بو
گرک طلبده ئولم مقتضای عشقدی بو
.
#راه_شام
#حقیر_خویی
.
✍️ زبدة الاشعار ✍️
.
?: @nohe_torki