ام البنین ایله فغان اولدی شهید عباس #حضرت_ام_البنین_ذبیحیان

حالات حضرت ام البنین (س)
.
.
#سبک_ویرانه_ده_نازلو_بالام
.
.
ذبیحیان
.
.
ام البنین ایله فغان اولدی شهید عباس
محشر اولونجا آغلا قان اولدی شهید عباس
.
.
عونیله فضل و جعفرون دوغراندی جان وئردی
شیر خدایه بنزرون دوغراندی جان وئردی
هم قاسم و هم اكبرون دوغراندی جان وئردی
یاندی امام انس و جان اولدی شهید عباس
.
.
قوللارین عباسون او گون ائتدی قلم دشمن
قولسوز یره گلدی آت اوستن ایلدی شیون
دوندی خیامه گلمگه اول باوفا توسن
آگاه اولوب فوج زنان اولدی شهید عباس
.
.
گلدی باشی اوسته دیوب سیندی بئلیم قارداش
آچ گوزلرون سنسن منیم آرخام ائلیم قارداش
بو حالیله گورجک سنی یاندی دلیم قارداش
اُسقونی سؤیلر تشنه گان اولدی شهید عباس
.
.
چکدی درون سینه دن شاه جهان بیر آه
اعضاسی دوغرانمیش گوروب قارداشینی اول شاه
قلبی یانوب چکدی او موقع نالۀ جانکاه
ائتدی نوا کرّوبیان اولدی شهید عباس
.
.
لال اولمیور آخر دلیم سینمور ندن خامه
هر قدر یازسون بو غمی بیل یتمز اتمامه
شاه جهاندان ایسته سنده بیر امان نامه
راحت اولا ذبیحیان اولدی شهید عباس
.
.
#حضرت_ام_البنین #ذبیحیان #ترکی #زبدةالاشعار #عباسیه_شهادت #عباسیه_عباسیه_ذبیحیان