در سوگ سردار دلها شهید حاج قاسم سلیمانی
.
✍️ زبدة الاشعار ✍️
.
🆔: @nohe_torki
.
#رسول_بابایی
.
#سبک_زینبم_جان_اوستیم … 4 سبک
.
ای سلیمانی نجه دنیانی حیران ایلدون
قانیوه باتدون ئوزون ایرانی گریان ایلدون
ای گوزل سرداریمیز- دلبرودلداریمیز
.
.
عطرین آلدین سن حسینون جانیوی ائتدون فدا
سن شهادت ایستدون آلدون حسیندن مرحبا
صبح جمعه یا علی سسلندون ای مرد خدا
شیعه نی زار ایلیوب هم سینه سوزان ایلدون
ای گوزل سرداریمیز – دلبرو دلداریمیز
.
.
باش دوشوبدور بیر یانا چون زاده زهرا کیمین
تپراقا دوشدی قولون چون تشنه لب سقاکیمین
ارباً اربا اولدی پیکر اشبه طاها کیمین
چوخلارون دوتدون الین سن درده درمان ایلدون
ای گوزل سرداریمیز – دلبرو دلداریمیز
.
.
ای شهید راه حق قویماخ قانین یرده قالا
ملتین عزمی بودور بیر انتقام سخت آلا
دشمنی خوارایلروک ساللوخ اونی حالدان حالا
سنده دیلدن رهبریله عهد و پیمان ایلدون
ای قوی سرداریمیز – دلبرو دلداریمیز
.
.
قطعه قطعه پیکرون تشییع اولوب اجلالیلن
قویدولار قبره سنی چوخ دیده تر احوالیلن
قبره گئتدون بیر عبا و بیرده قاره شالیلن
هم ئوزون یولداشلارون مولایه قربان ایلدون
ای قوی سرداریمیز – دلبرودلداریمیز
.
.
ای حسینچی سال ئوزون کرببلا گلزارینه
زینبین اوچ گون قالان یرده وفالی یارینه
باخدی زینب اول چوخور یرده دل و دلدارینه
سسلدی وای قارداشیم گورقلبیمی قان ایلدون
ای یارالی قارداشیم – ای وفالی قارداشیم
.
.
ای گل اهل کسا مولا سلام اولسون سنه
زاده ی خیرالنسا مولا سلام اولسون سنه
ای قتیل اشقیا مولا سلام اولسون سنه
جانیوی سن فدیه ی اسلام و قرآن ایلدون
ای گل زهرا حسین – سرور دلها حسین
.
.
یا حسین جان بیزلره وئر بیر برات کربلا
تا حریمنده دیاخ جانلار سنه قربان اولا
دیلده واردی دردیمیزایله ئوزون درمان آقا
شاهدی سن بارها درباره مهمان ایلدون
ای گل زهرا حسین – سرور دلها حسین
.
#انتقام_سخت
#قاسم_سلیمانی
#ای_سلیمانی_نجه_دنیانی_حیران_ایلدون
#ترکی
.
✍️ #زبدةالاشعار ✍️
.
🆔: @nohe_torki
نظر دهید