اهل اسلامون بو گون بیر تازه عاشوراسیدی #صادقیه_خادم_تبریزی

شهادت امام صادق(ع)
.
.
مرحوم احمد پورعطا ( خادم تبریزی )
.
.
اهل اسلامون بو گون بیر تازه عاشوراسیدی
صادق آل رسولین ماتم عظماسیدی
.
.
مست ایدوب منصور بیدینی هوای سلطنت
نصب اولوب دربارینه گوردی لوای سلطنت
بولمدی کیمدور بو گون عمده قوای سلطنت
هانسی دینون اهلینه اؤز عهدنون ایفاسیدی
.
.
ظاهراً اسلامیانون سرپرستیدی اؤزی
نقضیدور احکام قرآنه ولیکن چوخ سوزی
گورمدی اصلا یزیدون ماجراسندن گوزی
حشر اولونجا مفتضح دنیاسی هم عقباسیدی
.
.
قدرت اسلامدن غافل حقیقتدن بری
بیر گجه احضار ایدوب آخر امام جعفری
متهم ایلوب ریاست عزمنه اول سروری
ویردی نسبت کذب امامه مطلبین معناسیدی
.
.
صادق آل عبا کذبه اولاندا منتسب
سسلنوب منصور منه جدیم ویروب صادق لقب
اولمادی مطلوبنه نایل گوروب اول بی ادب
کشف حال اولماز اوکه منصور ایدن ایذاسیدی
.
.
منصرف اصلا دگلدی دوتدوقی منظورلن
باطنی خبثین قویوب ابرازه هر بیر جورلن
اؤز امامین عاقبت مسموم ایدوب انگورلن
آنلامور دنیا و ما فیها کیمون ایماسیدی
.
.
ظاهری صورتده خاموش ایتدی الله نورونی
عکس ایدوب پروردگار منصورین اوز منظورونی
جعفری مذهب اومولادن الوبدستورونی
اسم پاکی اهل اسلامون فرح افزاسیدی
.
.
#صادقیه_خادم_تبریزی #ترکی #صادقیه_شهادت #زبدةالاشعار