یا محمّد سنی من مُلک دیله جان بیلورم #پیامبراسلام_سیفی_اردبیلی

مدح و میلادیه حضرت رسول اکرم صلی الله علیه وآله و سلم
.
✍️ زبدة الاشعار ✍️
.
🆔: @nohe_torki
.
سیفی اردبیلی
.
یا محمّد سنی من مُلک دیله جان بیلورم
حُسن رُخساروی آئینۀ یزدان بیلورم
.
آسمانی شرفون عشقی زمین گیرایلیوب
کلمه کلمه سوزوی آیۀ قرآن بیلورم
.
یدّی گوی اخترتابنده نی، شمس وقَمری
طلعت دامنووه دست بدامان بیلورم
.
حسرت آب بقا جَهلیدی عاشق لروه
نَفَس پاکوی من چشمۀ حیوان بیلورم
.
نه فنا عیشه حَریصم نه ده مینا و مِیَه
بوسۀ تربتووی غایت ایمان بیلورم
.
عشقوون شمعینه یاندوقجاسیادت تاپورام
غارِ تسبیح و مناجاتووی رضوان بیلورم
.
آدوی ذکر ایدوب اقبالیمه شُکرایلیورم
چونکه تنها سنی من رحمت رحمان بیلورم
.
جرعۀ مرحمت ولطفووه دائم عطشم
جان نالایقیمی عشقوه قربان بیلورم
.
.
.
#17ربیع
#مبعث
#یامحمد_سنی_من_ملک_دیله_جان_بیلورم
#سیفی_اردبیلی
#ترکی
.
✍️ #زبدةالاشعار ✍️
.
🆔: @nohe_torki