اهل کوفه فصل ائدوب قرآنی نوک تیریله #حسینیه_راقم_اردبیلی

حالات امام حسین (ع )
..
..
..
..
مرحوم راقم اردبیلی
..
..
..
..
اهل کوفه فصل ائدوب قرآنی نوک تیریله
ائتدیلر شیرازه بند اوراقینی زنجیرله
..
..
..
..
کلمه کلمه حرف حرف آیریلدی آیات خدا
آیه آیه صفحه صفحه اولدی ظلمیله جدا
کربلاده اوّلینه آخر ائتدی اقتدا
نیزه اوسته اوّلی، آخر دم شمشیریله
..
..
..
..
جمعی تفریق اولدی وصل فصل من كل جهات
آیریلوب ترتیل تنزیل اصول محکمات
خارج اولدی جزء جزء ندن اولوب برهم نکات
ائتدیلر آیاتی معنی آیری بیر تفسیریله
..
..
..
..
اوچ کتابون علمی و فرمانیده مشحونیدی
محکم قرآن اوزی تک حمدده محزونیدی
معنی سبع المثانی باعده مکنونیدی
وای اگر مشرع اولا بو تکیه لر تحریریله
..
..
..
..
ائتدی دل ملكین گینه یغما جنود درد و غم
ساکت اولدی ناطقه ورد دل اود دوتدی قلم
نقشه ظلمی اول چکمیشدی نقاش ستم
ظاهر اولدی کربلا دشتینده بو تصویریله
..
..
..
..
گوردولر اوراق اولوب قرآن چیخوب شیرازه دن
صفحه لر چوللرده سرگردان کئچوب اندازه دن
جمع اولوب بی رحمار هر بیر طرفدن تازه دن
دوشدولر یكسر خیال جمعینه تدبیریله
..
..
..
..
قلب عالم تاب ائدر بیلمم نجه بو نسگله
دل یانار گلمز دله مین داغدور هر بیر دله
ناطق قرآنه وردی رحمیزلر سلسله
باغلانوب زنجیره نه جرمیله نه تقصیریله
..
..
..
..
اوّل سرحلقۀ الف اول الله تک
باشدا فخرالساجدین باغلاندی بسم الله تک
دالدا آل الله اجزاء کلام الله تک
سوره سوره جمع اولوب بی نقص و بی تغییریله
..
..
..
..
ترک تاز اولدی مخالف دن مجاز اوسته حصار
نغمۀ دلکش سالوب دشت عراقه شور و شار
دلغمین خواهر حزین قامت کمان گوز اشکبار
هر بیری نی تک نوایه گلدی بیر تأثیریله
..
..
..
..
قیدیله بی قیدلر مغلول اولوب افسرده حال
جمع اولوب اعدادیله چون اتحاد و اتصال
بیرجه بیماریله باش سیز بیر بلوک اهل و عیال
شامه بیر باش گلدیلر بیر نالۀ شبگیریله
..
..
..
..
ظلمیله هر ناقه اوسته بیر اسیر مشگبو
هر بیری دلدارینه دردین دییردی مو به مو
نیزه ده بیر قانلی باشدا گاه اولاردی روبه رو
گه سکینه گاهی لیلای غم تخمیریله
..
..
..
..
مسجد ویران اولوب اوراق قرآنه مقام
بیت حق ویرانه، قرآن عترت خیرالانام
منزل اللهه اولدی بو سبب ویران شام
ثبت محنت یوخ قضاده خانۀ تقریریله
..
..
..
..
یاندیرار شمعه اوزین بیلمم ندن پروانه لر
یا ندن زنجیرسیز هر یان گزر دیوانه لر
مخزن کنج وفادور یا دل ویرانه لر
دور ائدوبدور لشکر غم قوۀ تسخیریله
..
..
..
..
خالی دور ظلامه دن آیا دبستان وفا
یا معلم ترک تعلیم ایلیوبدور برملا
ایلمیش معنی شناسان اختیار انزوا
ظاهر اولموش سارق الایمان و دین تزویریله
..
..
..
..
موجی موج اوستن گلور طوفان ائدر عمان دل
شاخصه چیخسون نجه بو گوهر رخشان دل
راقما اهل دل اولسا جان اولور قربان دل
گوهر یکتانی ساخار رشته تقریریله
..
..
..
..
#حسینیه #راقم_اردبیلی #حسینیه_شهادت #ترکی #زبدةالاشعار