در شهادت پیامبر اسلام صلی الله علیه و آله
.
✍️ زبدة الاشعار ✍️
.
🆔: @nohe_torki
.
مرحوم حسینی سعدی زمان
.
نیّر اعظم باتوب آفاق ظلمتدور بو گون
ماتم ختم رسلدور یا قیامتدور بو گون
.
.
صادر اوّل جهان آفرینش زینتی
خلقت دنیا و مافیهانون اصل علّتی
محضر یاره گیدوب مکتوب اولوبدور دعوتی
ترک ایده دنیانی منظور مشیّتدور بو گون
.
.
اولماسیدی احمد محمود محبوب ودود
عالم امکانه ویرمزدی خدا فیض وجود
کشف اولونمازدی جهاندا معنی غیب و شهود
بو وجود اقدسه هنگام رحلتدور بو گون
.
.
گورمیوب گورمز علینون مثلینی چشم جهان
درک ایدنمز انتهای فضلینی دانشوران
من پیمبر قولّاریندان بیر قولام ایلوب بیان
صاحب ماتم بو مولایه او حضرتدور بو گون
.
.
علّت غائی عالم، ممکناته رهنما
ایلیوب رحلت، عزاخانه اولوب عرش خدا
کارگاه خلقته نوری، خبر هم مبتدا
جان ویروب، ماتم زده اجزای خلقتدور بو گون
.
.
فاطمه بانوی جمله اوّلین و آخِرین
قلبیدن شوره گَلوب ایلر نوای دلنشین
اود ووروب یکسر موالیده بو آه آتشین
چون جماداته موثّر بو مصیبتدور بو گون
.
.
ایلینده حضرت انسیّه ی حورا نوا
دلده واجدّا توکر قانیاش حسین و مجتبی
زینبین اشکین سیلر مظلوم دشت کربلا
روز عاشورایه بو مطلب اشارتدور بو گون
.
.
روز عاشوراده اشکین زینبین ایلردی پاک
عزم میدان ایلینده قطب افلاک و سماک
ایتدی فرمایش دایان باجی اوزون ایتمه هلاک
بو بلالی چولده گورسن قتل و غارتدور بو گون
.
.
عهد و پیمانیم ازل گوندن شهادتدور باجی
عهدیمی تکمیل ایدن امر اسارتدور باجی
استقامت ویر نشان گورسن قیامتدور باجی
دشمنی منکوب ایدن بو استقامتدور بو گون
.
.
ای اولان حکمتده، قدرتده نشانِ بی نشان
مبتلادور بیر نچه درده بو «سعدیّ زمان»
ایستوری سندن شِفا دنیاده، عقباده امان
هر ایکی دنیامه بیر لطفون کفایتدور بو گون
.
.
.
#سبک_زینبم_جان_اوستیم … 4 سبک
.
.
.
#پیامبراسلام_شهادت
#سعدی_زمان
#نیر_اعظم_باتوب_آفاق_ظلمتدور_بوگون
#آثارالحسینی2 ص 16
#ترکی
.
✍️ #زبدةالاشعار ✍️
.
🆔: @nohe_torki
نظر دهید