«دفن شهدا»
.
✍️ زبدة الاشعار ✍️
?: @nohe_torki
.
مصیبی تبریزی
.
اولا جانلار فدا جدّی حسینه شاه عطشانه
قالوب گونلر قباقینده دگوب گون جسم عریانه
گلوبدور اوغلی طَـیّ الارضیله اول قانلی میدانه
امامین دفنینه غیر امامه انتظار اولماز
.
دولان قانیله میدانی دوتوب باشدان باشا اجساد
کفن آختاردی تاپسون تاپمادی شاهنشه اوتاد
آتا نعشین بوکوب کهنه حصیره دفن ائدوب سجّاد
هاچان بو وضع غمباری گورنلر اشکبار اولماز
.
تاپوب صونرا علیّ اکبرین نعشین او آزاده
آتادان آیری سالماقین روا بولموب دی دنیاده
اونی پایین پای شاهیده دفن ائتدی شهزاده
دئدی تاواردی دنیابیله شش گوشه مزار اولماز
.
یازوبدور قبرین اوستونده بوقبر شاه عُظمادور
سوسوزجاندان گئچندورسینه سی هرچند دریادور
یاتان توپراقلار آلتیندا عزیز قلب زهرادور
بو یرده اولماسا قان گوزیاشون،حقّی ادا اولماز
ـــــــــــــــــ
متن کامل این شعر ، در حالات شهادت حضرت امام جعفر صادق علیه السلام را در هشتک زیر مشاهده بفرمایید:
#ولایت_سیرینون_رسم_و_طریقی_کجمدار_اولماز
https://t.me/nohe_torki/28229
ـــــــــــــــــ
#دفن_شهدا
#اولا_جانلار_فدا_جدی_حسینه_شاه_عطشانه
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید